ກຸ່ມເສື້ອແດງເລີ່ມຖອກເລືອດໃສ່ຕໍ່ຫນ້າທຳນຽບລັດຖະບານ
(GMT+08:00) 2010-03-17 10:14:17 cri
ຕາມຂ່າວ cri:ຕອນບ່າຍວັນທີ 16 ມີນານີ້, ຜູ່ສະຫນັບສະຫນູນກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດໄທຫລືກຸ່ມເສື້ອແດງໄດ້ຖອກເລືອດໃສ່ທາງເຂົ້າທຳນຽບລັດຖະບານ, ເພື່ອກົດດັນໃຫ້ລັດຖະບານໄທຍຸບສະພາ,ແລະຈັດການເລືອກຕັ້ງຄືນໃຫມ່.
ຕອນບ່າຍມື້ດຽວກັນ, ສະມາຊິກກຸ່ມເສື້ອແດງປະມານຫນຶ່ງແສນຄົນໄດ້ເດີນທາງຈາກຂົວຜ່ານຟ້າລີລາດທີ່ຖະຫນົນລາຊະດຳເນີນທີ່ຢູ່ໃຈກາງນະຄອນລວງບາງກອກໄປສູ່ທຳນຽບລັດຖະບານ.ເວລາ 17 ໂມງຕາມເວລາທ້ອງຖີ່ນ,ຜູ່ນຳກຸ່ມເສື້ອແດງເລີ່ມຖອກເລືອດໃສ່ປະຕູທາງເຂົ້າແຫ່ງຫນຶ່ງຂອງທຳນຽບລັດຖະບານໃນຂະນະທີ່ຕຳຫລວດແລະທະຫານຢືນປ້ອງກັນຢູ່ຕໍ່ຫນ້າທຳນຽບລັດຖະບານ, ແຕ່ບໍ່ໄດ້ສະກັດກັ້ນການກະທຳຂອງຜູ່ຊຸມນຸມປະທ້ວງ. ມາຮອດປັດຈຸບັຍນ, ບໍ່ມີການປະທະກັນເກີດຂຶ້ນເທື່ອ.
ວັນທີ 16 ມີນານີ້, ໂດຍແນໃສ່ການກະທຳເພີ່ມແຮງກົດດັນຂອງກຸ່ມເສື້ອແດງດັ່ງກ່າວ, ທ່ານອະພິສິດ ເວດຊາຊີວະ,ນາຍົກລັດຖະມົນຕີໄທກ່າວວ່າ,ລັດຖະບານບໍ່ແມ່ນຜູ່ກໍ່ເຫດການນີ້.ທ່ານຍັງກ່າວຢ້ຳຫລັກຫມັ້ນທີ່ຈະບໍ່ຍຸບສະພາ,ແລະກ່າວວ່າການຍຸບສະພາບໍ່ແມ່ນວິທີດີທີ່ສຸດຂອງການແກ້ໄຂວິກິດການການເມືອງໃນປັດຈຸບັນ,ລັດຖະບານຍິນດີຮັບຟັງສຽງແລະຄວາມເຫັນຈາກຝ່າຍຕ່າງໆໃນສັງຄົມ, ແຕ່ຈະບໍ່ອ່ອນຍອມຕໍ່ການຂົ່ມຂູ່ໃດໆ.