ກອງປະຊຸມພິເສດຂອງຂະບວນການບໍ່ຮ່ວມກຸ່ມຮັບຮອງຖະແຫຼງການມະນີລາ
(GMT+08:00) 2010-03-17 19:00:24 cri
ຕາມຂ່າວສານຊິນຮວາ: ວັນທີ17ມີນານີ້, ກອງປະຊຸມພິເສດລະດັບລັດຖະມົນຕີຂອງຂະບວນການບໍ່ຮ່ວມກຸ່ມທີ່ຈັດຂຶ້ນຢູ່ນະຄອນຫຼວງມະນີລາຂອງຟິລິບປິນໄດ້ຮັບຮອງຖະແຫຼງການມະນີລາ, ເພື່ອຊຸກຍູ້ການເຈລະຈາແລະການຮ່ວມມືລະຫວ່າງສາສະໜາຕ່າງກັນແລະວັດທະນະທຳຕ່າງກັນ.
ຖະແຫຼງການຂຽນວ່າ, ໃນກອງປະຊຸມ, ລັດຖະມົນຕີການຕ່າງປະເທດແລະຜູ້ຕາງໜ້າທີ່ມາຈາກ105 ປະເທດສະມາຊິກຂອງຂະບວນການບໍ່ຮ່ວມກຸ່ມໄດ້ປຶກສາຫາລືສິ່ງທ້າທາຍໃໝ່ຕ່າງໆຈາກສະຖານະການປະຈຸບັນຕໍ່ການຊຸກຍູ້ສັນຕິພາບແລະການພັດທະນາ, ເຫັນວ່າເສລີພາບ, ສະເໝີພາບ, ຄວາມສາມະຄີ, ການອົດກັ້ນແລະນັບຖືເຊິ່ງກັນແລະກັນແມ່ນຫຼັກການພື້ນຖານຂອງການພົວພັນສາກົນ.
