ເສດຖະກິດອິນໂດເນເຊຍໄດ້ຮັບຜົນປະໂຫຍດຈາກເຂດການຄ້າເສລີຈີນອາຊຽນ
(GMT+08:00) 2010-03-18 16:42:38 cri
ຕາມຂ່າວສານຊິນຮວາ: ຫວ່າງມໍ່ໆມານີ້, ທ່ານຊຸສໂວໂນ, ລັດຖະມົນຕີວ່າການກະຊວງກະສິກຳອິນໂດເນເຊຍກ່າວວ່າ, ນັບແຕ່ປະຕິບັດສັນຍາເຂດການຄ້າເສລີຈີນອາຊຽນໃນວັນທີ1ມັງກອນນີ້ເປັນຕົ້ນມາ, ຜະລິດຕະພັນຂອງອິນໂດເນເຊຍມີທ່າແຮງຫຼາຍ, ການຄ້າຜະລິດຕະພັນກະສິກຳກັບຈີນໄດ້ປ່ຽບດຸນການຄ້າ2ຕື້ໂດລາ.
ທ່ານຊຸສໂວໂນແມ່ນໃຫ້ທັດສະນະດັ່ງກ່າວໃນເວລາເປັນປະທານຈັດພິທີອັດງານວາງສະແດງກະສິກຳສາກົນປີ2010ຢູ່ຈາກາຕາໃນວັນທີ17ມີນານີ້.
ເລີ່ມແຕ່ວັນທີ1ມັງກອນນີ້ເປັນຕົ້ນໄປ, ສັນຍາເຂດການຄ້າເສລີຈີນອາຊຽນ ມີຜົນບັງຄັບໃຊ້. ໃນໄລຍະຕົ້ນ, ວິສາຫະກິດຂອງອິນໂດເນເຊຍຈຳນວນໜຶ່ງເປັນຫ່ວງວ່າສິນຄ້າຂອງຈີນຈະມີຜົນກະທົບຕໍ່ສິນຄ້າຂອງຕົນ, ສະນັ້ນກໍ່ຮຽກຮ້ອງໃຫ້ລັດຖະບານເລື່ອນເວລາປະຕິບັດສັນຍາ, ແຕ່ວ່າວິສາຫະກິດນັບມື້ນັບຫຼາຍ
ເລີ່ມຍອມຮັບວ່າການຄ້າເສລີແມ່ນຕ່າງຝ່າຍຕ່າງມີຜົນປະໂຫຍດ.
