ນັກວິຊາການສິງກະໂປປຽບທຽບບົດຮຽນການພັດທະນາຂອງຈີນແລະສິງກະໂປ
(GMT+08:00) 2010-03-19 16:52:58 cri
ຕາມຂ່າວສານຊິນຮວາ, ວັນທີ18ມີນານີ້, ຢູ່ນະຄອນຫຼວງປັກກິ່ງ, ທ່ານຫຼຽງເວີນຊົງ ສາສະດາຈານສະຖາບັນນະໂຍບາຍສາທາລະນະລີກວນຢູມະຫາວິທະຍາໄລແຫ່ງຊາດສິງກະໂປກ່າວວ່າ, ຈີນແລະສິງກະໂປມີຄວາມຄ້າຍຄືກັນຫຼາຍໃນດ້ານແກ້ໄຂການພົວພັນລະຫວ່າງລັດຖະບານກັບຕະຫຼາດ, ຮັບປະກັນການຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນແລະອື່ນໆ.
ທ່ານກ່າວວ່າ, ໃນຂະບວນການຮັບມືກັບວິກິດການການເງິນສາກົນ, ສອງປະເທດລ້ວນແຕ່ເອົາໃຈໃສ່ປະຕິບັດຕາມກົດເກນເສດຖະກິດຕະຫຼາດ, ແຕ່ພ້ອມກັນນັ້ນ, ລັດຖະບານຂອງສອງປະເທດລ້ວນແຕ່ມີຄວາມສະຫຼາດສ່ອງໃສໃນດ້ານວາງນະໂຍບາຍກະຕຸ້ນເສດຖະກິດແລະເລືອກໂອກາດແຊກແຊງຕະຫຼາດ. ວັດທະນະລຳແລະທັດສະນະຄຸນຄ່າຂອງສອງປະເທດລ້ວນແຕ່ເນັ້ນໜັກຄວາມກົມກຽວແລະຄວາມໝັ້ນຄົງຂອງສັງຄົມ. ສະນັ້ນ, ລັດຖະບານຂອງສອງປະເທດລ້ວນແຕ່ເອົາໃຈໃສ່ນຳການວາງແລະປະຕິບັດນະໂຍບາຍສັງຄົມຕ່າງໆ ເຊັ່ນ: ເຮືອນຢູ່, ການປິ່ນປົວແລະປະກັນບຳນານເປັນຕົ້ນ.
ທ່ານຫຼຽງເວີນຊົງຍັງກ່າວວ່າ, ສິ່ງທີ່ແຕກຕ່າງກັນນັ້ນກໍແມ່ນ, ສິງກະໂປແມ່ນປະເທດນ້ອຍ, ວາງແລະປະຕິບັດນະໂຍບາຍໄດ້ງ່າຍແລະໄດ້ຮັບຜົນໄວ. ແຕ່ຈີນມີເນື້ອທີ່ກວ້າງຂວາງແລະມີປະຊາກອນອັນໄພສານ, ຕ້ອງການເວລາໄປປະຕິບັດນະໂຍບາຍແລ້ວຈິ່ງໄດ້ເຫັນຜົນຈາກນະໂຍບາຍເຫຼົ່ານີ້.
