ການເພີ່ມທະວີການຮ່ວມມືກັບອາຊຽນຢ່າງຮອບດ້ານແມ່ນນະໂນບາຍທີ່ໝັ້ນໜຽວບໍ່ປ່ຽນແປງຂອງຈີນ
(GMT+08:00) 2010-03-19 18:01:59 cri
ຕາມຂ່າວCRI: ວັນທີ19ມີນານີ້, ຢູ່ປັກກິ່ງ, ໃນເວລາພົບປະເຈລະຈາກັບທ່ານສຸນຣິນ ພິດສຸວັນ, ເລຂາທິການໃຫຍ່ອາຊຽນທີ່ມາຢ້ຽມຢາມ, ທ່ານຢາງເຈສື, ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ໃນປະຈຸບັນແລະໄລຍະໜຶ່ງຕໍ່ໜ້ານີ້, ຈີນຍິນດີເພີ່ມທະວີການຮ່ວມມືກັບອາຊຽນຢ່າງແທ້ຈິງ, ຕັ້ງໜ້າປະຕິບັດເຂດການຄ້າເສລີຈີນອາຊຽນ, ຊຸກຍູ້ໃຫ້ພື້ນຖານໂຄງລ່າງຂອງສອງຝ່າຍເຊື່ອມໂຍງເຂົ້າກັນ, ຊຸກຍູ້ໃຫ້ເສດຖະກິດ, ສັງຄົມແລະສິ່ງແວບລ້ອມພັດທະນາຢ່າງກົມກຽວກັນ, ດຳເນີນການຮ່ວມມືດ້ານວັດທະນະທຳສັງຄົມຢ່າງກວ້າງຂວາງ, ແລະເພີ່ມທະວີການຮ່ວມມືກັບພາກພື້ນແລະອະນຸພາກພື້ນ. ທ່ານກ່າວເນັ້ນວ່າ, ຈີນຈະສືບຕໍ່ສະໜັບສະໜູນການສ້າງສາປະຊາຄົມອາຊຽນ, ສະໜັບສະໜູນອາຊຽນ ເສີມຂະຫຍາຍບົດບາດນຳທາງໃນການຮ່ວມມືອາຊີຕາເວັນອອກ.
ທ່ານສຸຣິນກ່າວວ່າ, ການພົວພັນຄູ່ຮ່ວມມືຍຸດທະສາດອາຊຽນຈີນມີຄວາມໝາຍ ສຳຄັນຫຼາຍຕໍ່ອາຊຽນ. ທ່ານຂອບໃຈນຳຈີນທີ່ສະໜັບສະໜູນອາຊຽນເສີມຂະ ຫຍາຍບົດບົດນຳທາງໃຈກາງໃນການຮ່ວມມືອາຊີຕາເວັນອອກຢ່າງເດັດດ່ຽວໜຽນແໜ້ນໃນໄລຍະຍາວນານມານີ້,ຍ້ອງຍໍຈີນທີ່ສະໜັບສະໜູນການສ້າງສາປະຊາຄົມອາຊຽນແລະ ຂະບວນການເຊື່ອມໂຍງເຂົ້າເປັນອັນໜຶ່ງອັນດຽວກັນ. ທ່ານເຫັ່ນວ່າ, ຈີນກັບອາຊຽນຕ້ອງເພີ່ມທະວີການຮ່ວມມືໃນຂົງເຂດການເຊື່ອມໂຍງເຂົ້າກັນ, ການລົງທຶນເຊິ່ງກັນແລະກັນ, ວິສາຫະກິດຂະໜາດກາງແລະນ້ອຍ, ການ ທ່ອງທ່ຽວ, ວັດທະນະທຳສັງຄົມແລະອື່ນໆ.
