ຕາມຂ່າວCRI,ວັນທີ20ມິນານີ້,ກຸ່ມເສື້ອແດງໄດ້ຈັດການແຫ່ຂະບວນປະທ້ວງຂະໜາດໃຫຍ່ຢູ່ບາງກອກ,ສືບຕໍ່ຮຽກຮ້ອງໃຫ້ລັດຖະບານຍຸບສະພາຜູ້ແທນລາຊະດອນ,ຈັດການເລືອກຕັ້ງໃໝ່.
ຕອນເຊົ້າປະມານ9ໂມງ50ນາທີຂອງວັນທີ20ມິນານີ້,ພາຍໃຕ້ການນໍາພາຂອງທ່ານນັດທະວຸດ ສາຍຂວາແລະທ່ານຈະຕຸພອນ ພົນພັນ,ຜູ້ນໍາຂອງກຸ່ມເສື້ອແດງ,ຂະບວນລົດຂອງຜູ້ປະທ້ວງໄດ້ອອກເດີນທາງຈາກບ່ອນຊຸມນຸມຕົ້ນຕໍຄືຂົວຜ່ານຟ້າລີລາດາ,ເລີ່ມແຫ່ຂະບວນຢ່າງຂະໜາດໃຫຍ່ຕາມເສັ້ນທາງທີ່ວາງແຜນໄວ້.ຂະບວນລົດເປີດທາງດ້ວຍລົດຖີບ,ປະກອບດ້ວຍລົດກະບະແລະລົດຈັກ.
ກຸ່ມເສື້ອແດງໄດ້ເລີ່ມຈັດການໂຮມຊຸມນຸມປະທ້ວງຂະໜາດໃຫຍ່ໃນວັນທີ14ມິນານີ້,ຫລັງຈາກຖືກປະຕິເສດຄວາມຮຽກຮ້ອງທີ່ໃຫ້ຍຸບສະພາຜູ້ແທນລາຊະດອນແລ້ວ,ໃນວັນທີ16ຫາວັນທີ17ໄດ້ເທເລືອດຢູ່ໄປສໍານັກງານນາຍົກລັດຖະມົນຕີ,ສໍານັກງານໃຫຍ່ຂອງພັກປະຊາທິປັດ,ແລະບ່ອນຢູ່ຂອງທ່ານອະພິສິດເວດຊາຊີວະ,ນາຍົກລັດຖະມົນຕີໄທເພື່ອໃຊ້ຄວາມກົດດັນ.
