ນົນທະບູລີແລະບາງກອກຂອງໄທເກີດເຫດການລະເບີດສອງເທື່ອ
(GMT+08:00) 2010-03-21 15:57:40 cri
ຕາມຂ່າວCRI,ຕອນຄ່ຳວັນທີ20ມີນານີ້,ຈັງຫວັດນົນທະບູລີແລະນະຄອນຫຼວງບາງກອກຂອງໄທໄດ້ເກີດເຫດການລະເບີດສອງເທື່ອຕາມລຳດັບ,ເຮັດໃຫ້ທະຫານສອງຄົນໄດ້ຮັບບາດເຈັບ.
ເວລາປະມານ21ໂມງ50ນາທີມື້ດຽວກັນ,ມີຄົນທີ່ບໍ່ຮູ້ຖານະແກວ່ງສິ່ງລະເບີດໃສ່ຕຶກຫ້ອງການໃໝ່ຂອງກົມຕ້ານສໍ້ລາດບັງຫຼວງແຫ່ງຊາດໄທທີ່ຢູ່ຈັງຫວັດນົນທະບູລີ, ການລະເບີດເຮັດໃຫ້ເດີ່ນຫຍ້າຢູ່ນອກຕຶກຫ້ອງການມີຂຸມໃຫຍ່ທີ່ມີເສັ້ນຜ່າກາງຕັ້ງ30ຊັງຕີແມັດ,ພ້ອມທັງເຮັດໃຫ້ຝາໃນຕຶກຫ້ອງການມີຮູແຕກ,ແຕ່ບໍ່ໄດ້ມີຄົນເສຍຊີວິດຫຼືບາດເຈັບ.
ປະມານ23ໂມງມື້ດຽວກັນ,ຢູ່ປະຕູຫຼັງຂອງກະຊວງປ້ອງກັນປະເທດທີ່ຢູ່ນະຄອນຫຼວງບາງກອກໄດ້ເກີດເຫດການລະເບີດເທື່ອໜຶ່ງ,ເຮັດໃຫ້ທະຫານເວນຍາມສອງຄົນໄດ້ຮັບບາດເຈັບ,ຫຼັງຈາກນັ້ນ,ທະຫານສອງຄົນນີ້ໄດ້ຖືກສົ່ງໄປປິ່ນປົວຢູ່ໂຮງໝໍ.
