ຕາມຂ່າວສານຊິນຮວາ,ວັນທີ20ມິນານີ້,ຢູ່ນະຄອນຫລວງວຽງຈັນ,ທ່ານຮຸຍລຽງຢູ້,ຮອງນາຍົກລັດຖະມົນຕີຈີນໄດ້ເຂົ້າຢຽມຄໍ່ານັບທ່ານຈູມມະລີ ໄຊຍະສອນ,ເລຂາທິການໃຫຍ່ສູນກາງພັກປະຊາຊົນປະຕິວັດລາວ,ປະທານປະເທດລາວ.
ທ່ານຮຸຍລຽງຢູ້ກ່າວວ່າ,ຈີນແລະລາວສ້າງສາຍພົວພັນທາງການທູດເກືອບ50ປີມານີ້,ການພົວພັນຂອງສອງປະເທດໄດ້ພັດທະນາຢ່າງໝັ້ນທ່ຽງ.ປີກາຍນີ້,ສອງຝ່າຍໄດ້ເຫັນດີເປັນເອກະສັນກັນຍົກສູງການພົວພັນຂອງສອງປະເທດເປັນການພົວພັນຄູ່ຮ່ວມມືຍຸດທະສາດຮອບດ້ານ,ນີ້ແມ່ນຫຼັກໝາຍທາງໃໝ່ຂອງປະຫວັດສາດການພົວພັນຈີນລາວ,ຈີນສະແດງຄວາມດີໃຈຢ່າງຈິງໃຈ.
ທ່ານຮຸຍລຽງຢູ້ກ່າວເນັ້ນວ່າ,ຈີນເອົາໃຈໃສ່ການພັດທະນາການພົວພັນລາວຈີນໃນລະດັບສູງ,ຍິນດີຮ່ວມກັບລາວທໍາຄວາມພະຍາຍາມກັນ,ຊຸກຍູ້ໃຫ້ການພົວພັນຄູ່ຮ່ວມມືຍຸດທະສາດຮອບດ້ານພັດທະນາລົງສູ່ລວງເລິກ,ສ້າງຜົນປະໂຫຍດແກ່ປະຊາຊົນສອງຊາດ.ທ່ານຮຸຍລຽງຢູ່ຍ້ອງຍໍທ່ານຈູມມະລີທີ່ສຸມກໍາລັງແລະປະກອບສ່ວນເຂົ້າໃນການພັດທະນາການພົວພັນໄມຕີຈິດມິດຕະພາບລາວຈີນໃນເວລາດົນນານມານີ້.
ທ່ານຈູມມະລີໄດ້ຕີລາຄາສູງຕໍ່ຈີນທີ່ນໍາໃຊ້ມາດຕະການທີ່ບັງເກີດຜົນໃນວິກິດການການເງິນສາກົນ.
ທ່ານຈູມມະລີກ່າວວ່າ,ລາວຂອບໃຈນໍາພັກແລະລັດຖະບານຈີນທີ່ໃຫ້ການສະໜັບສະໜູນແລະຄວາມຊ່ວຍເຫລືອອັນລໍ້າຄ່າຕໍ່ການພັດທະນາຂອງລາວໃນເວລາດົນນານມານີ້,ພໍໃຈນໍາການຮ່ວມມືທີ່ຕ່າງຝ່າຍຕ່າງໄດ້ຜົນລະຫວ່າງລາວຈີນທີ່ໄດ້ພັດທະນາລົງສູ່ລວງເລິກ,ໝັ້ນທ່ຽງແລະຮອບດ້ານ.ໃນສະຖານະການປະຈຸບັນນີ້,ການເພີ່ມທະວີການພົວພັນລາວຈີນມີຄວາມໝາຍສໍາຄັນຕໍ່ການຊຸກຍູ້ການປະຕິຮູບ,ຄວາມໝັ້ນຄົງແລະການພັດທະນາຂອງສອງປະເທດ.ລາວຍິນດີຮ່ວມກັບຈີນ,ຮັດແໜ້ນມິດຕະພາບອັນມີມູນເຊື້ອຂອງສອງປະເທດ,ລົງເລິກການແລກປ່ຽນແລະການຮ່ວມມືໃນຂົງເຂດຕ່າງໆ,ຊຸກຍູ້ການພົວພັນຂອງສອງປະເທ ດຂຶ້ນສູ່ລະດັບໃໝ່.
