ຕາມຂ່າວສານຊີນຮວາ: ວັນທີ23ມີນານີ້, ທ່ານກອບສັກ ສະພາວະສຸ,ເລຂາທິການຂອງທ່ານອະພິສິດ ເວດຊາຊີວະ, ນາຍົກລັດຖະມົນຕີໄທກ່າວວ່າ,ລັດຖະບານໄທຍັງຈະຊອກຫາຊ່ອງທາງເຈລະຈາກັບກຸ່ມເສື້ອແດງທີ່ຕໍ່ຕ້ານລັດຖະບານເພື່ອແກ້ໄຂຄວາມຂັດແຍ່ງກັນດ້ານການເມືອງຂອງໄທໃນປະຈຸບັນ.
ທ່ານກອບສັກກ່າວວ່າ,ເຖິງວ່າການເຈລະຈາທີ່ໄດ້ຕົກລົງຈະຈັດຂຶ້ນໃນວັນທີ22ມີນານີ້ບໍ່ໄດ້ຈັດຂຶ້ນຕາມເວລາກຳນົດ,ແຕ່ທ່ານກໍ່ຮູ້ສຶກເຫັນໄປໃນແງ່ດີຕໍ່ການບັນລຸການເຈລະຈາໃນທີ່ສຸດ.ທ່ານຍັງກ່າວວ່າ,ການເຈລະຈາໃນອະນາຄົດຈະບໍ່ລວມເອົາເລື່ອງທີ່ກ່ຽວກັບທ່ານທັກສິນ ຊີນນະວັດ, ອະດີດນາຍົກລັດຖະມົນຕີໄທ.
