ນາຍົກລັດຖະມົນຕີກຳປູເຈຍຈະເຂົ້າຮ່ວມກອງປະຊຸມສຸດຍອດແມ່ນໍ້າຂອງ
(GMT+08:00) 2010-03-24 16:37:57 cri
ຕາມຂ່າວສານຊິນຮວາ:ກະຊວງການຕ່າງປະເທດແລະການຮ່ວມມືສາກົນຂອງກຳປູເຈຍໄດ້ຖະແຫຼງຂ່າວໃນວັນທີ23ມີນານີ້ວ່າ,ທ່ານຮຸນເຊັນນາຍົກລັດຖະມົນຕີກຳປູເຈຍຈະເຂົ້າຮ່ວມກອງປະຊຸມສຸດຍອດຄະນະກຳມະການແມ່ນໍ້າຂອງຫຼືMRCຄັ້ງທີໜຶ່ງທີ່ຈະຈັດຂຶ້ນໃນລະຫວ່າງວັນທີ4ຫາ5ເດືອນໜ້າຢູ່ຈັງຫວັດປະຈວບຄີລີຂັນຂອງໄທ.ຊຶ່ງຈະເປັນການເດີນທາງໄປປະເທດໄທເພື່ອເຂົ້າຮ່ວມກອງປະຊຸມລະດັບພາກພື້ນເທື່ອທຳອິດຂອງທ່ານຮຸນເຊັນໂດຍຕອບສະໜອງຕາມຄຳເຊີນຂອງທ່ານອະພິສິດເວດຊາຊີວະ ນາຍົກລັດຖະມົນຕີໄທຫຼັງຈາກສາຍພົວພັນລະຫວ່າງກຳປູເຈຍແລະໄທໄດ້ຊຸດໂຊມຢ່າງໜັກຍ້ອນລັດຖະບານກຳປູເຈຍໄດ້ແຕ່ງ ຕັ້ງທ່ານທັກສິນຊິນນະວັດອະດີດນາຍົກລັດຖະມົນຕີໄທເປັນທີ່ປຶກສາເສດຖະກິດຂອງລັດຖະບານກຳປູເຈຍ.
