ຕາມຂ່າວສານຊິນຮວາ(ພະນົມເປັນ): ວັນທີ24ມີນານີ້, ກຳປູເຈຍໄດ້ເລີ່ມດຳເນີນກິດຈະກຳສັກຢາວັກແຊັງກັນພະຍາດໄຂ້ຫວັດໃຫຍ່ສາຍພັນໃຫມ່H1N1ໃຫ້ແກ່ປະຊາຊົນໃນທົ່ວປະເທດໂດຍບໍ່ເສຍຄ່າເພື່ອສະກັດກັ້ນການແຜ່ລະບາດຂອງພະຍາດດັ່ງກ່າວເປັນຄັ້ງທຳອິດ.
ເຈົ້າຫນ້າທີ່ທີ່ກ່ຽວຂ້ອງຂອງກຳປູເຈຍ ຜູ້ແທນຈາກອົງການອະນາໄມຫຼືWHOແລະບຸກຄົນສຳຄັນຈາກວົງການຕ່າງໆ100ກວ່າຄົນໄດ້ເຂົ້າຮ່ວມພິທີໄຂກິດຈະກຳສັກຢາວັກແຊັງກັນພະຍາດໄຂ້ຫວັດໃຫຍ່ສາຍພັນໃຫມ່H1N1ເຊິ່ງຈັດຂຶ້ນຢູ່ໂຮງຫມໍກາແດງຢູ່ພະນົມເປັນໃນວັນດັ່ງກ່າວ.ໃນພິທີດັ່ງກ່າວ, ທ່ານເຈົ້າຄອງນະຄອນ ພະນົມເປັນໄດ້ກ່າວວ່າ,ມາຮອດກາງເດືອນມີນານີ້, ກຳປູເຈຍໄດ້ພົບຜູ້ຕິດເຊື້ອໄຂ້ຫວັດໃຫຍ່ດັ່ງກ່າວ566ກໍລະນີ ,ໃນນັ້ນມີຜູ້ເສຍຊີວິດ6ກໍລະນີ.ເຊື່ອວ່າການສັກຢາວັກແຊັງກັນພະຍາດໄຂ້ຫວັດໃຫຍ່ສາຍພັນໃຫມ່H1N1ຈະສະກັດກັ້ນການແຜ່ລະບາດຂອງພະຍາດດັ່ງກ່າວຢ່າງມີປະສິດທິຜົນ.
ຜູ້ແທນຂອງອົງການWHOປະຈຳກຳປູເຈຍໄດ້ກ່າວວ່າ: ຢາວັກແຊັງກັນພະຍາດໄຂ້ຫວັດໃຫຍ່ສາຍພັນໃຫມ່H1N1ທີ່ ກຳປູເຈຍພວມໃຊ້ແມ່ນໄດ້ຮັບຈາກບາງປະເທດແລະອົງການຈັດຕັ້ງສາກົນຢູ່ພາຍໃຕ້ການປະສານງານຂອງອົງການWHO,ລວມທັງຫມົດມີ1ລ້ານ5ແສນຫລອດ.ເຊິ່ງ3ແສນຫລອດທີ່ເປັນງວດທຳອິດແມ່ນໃຊ້ສຳລັບພະນັກງານແພດ ຜູ້ຖືພາແລະເດັກນ້ອຍ.
