ຈີນກາຍເປັນຕະຫຼາດໃຫຍ່ທີ່ສຸດຂອງໄທໃນດ້ານການສົ່ງອອກ
(GMT+08:00) 2010-03-25 18:38:21 cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ສູນຄົ້ນຄວ້າຊາວກະສິກອນໄທຮວາຂອງໄທທີ່ເປັນຄັງສະໜອງຊື່ດັງໄດ້ເຜີຍແຜ່ບົດລາຍງານໂດຍກ່າວວ່າ, ໃນ 2 ເດືອນຕົ້ນປີນີ້, ການສົ່ງອອກໄປຈີນຂອງໄທເພີ່ມຂຶ້ນ 84,4% ເມື່ອທຽບໃສ່ໄລຍະດຽວກັນຂອງປີກາຍນີ້, ຈີນໄດ້ເຂົ້າແທນອາເມລິກາກາຍເປັນຕະຫຼາດໃຫຍ່ທີ່ສຸດຂອງໄທ.
ບົດລາຍງານຂຽນວ່າ, ການສົ່ງອອກໄປຈີນຂອງໄທໃນປີນີ້ອາດຈະສືບຕໍ່ເພີ່ມຂຶ້ນຍ້ອນເສດຖະກິດຈີນເຕີບໂຕຢ່າງວ່ອງໄວແລະເຂດການຄ້າເສລີຈີນອາຊຽນສ້າງສຳເລັດຢ່າງຮອບດ້ານ. ຄາດວ່າ, ໃນ 6 ເດືອນຕົ້ນປີນີ້, ການສົ່ງອອກໄປຈີນຂອງໄທຈະເພີ່ມຂຶ້ນ 40%, ໝົດປີກາຍນີ້, ການສົ່ງອອກໄປຈີນຂອງໄທໄດ້ຫຼຸດລົງ 0,4%, ປີນີ້ອາດຈະເພີ່ມຂຶ້ນ 20%.
ບົດລາຍງານຍັງຂຽນວ່າ, ການລົງທຶນແລະຄວາມຕ້ອງການດ້ານການບໍລິໂພກຂອງຈີນໃນປີນີ້ຈະສືບຕໍ່ເພີ່ມຂຶ້ນ, ນີ້ແມ່ນກຳລັງແຮງອັນສຳຄັນເພື່ອຊຸກຍູ້ໃຫ້ການສົ່ງອອກຂອງໄທແລະປະເທດອາຊີອື່ນໆເຕີບໂຕ.
