ຕາມຂ່າວສານຊິນຮວາ,ຕາມຕົວເລກຫຼ້າສຸດທີ່ກົມໃຫຍ່ສະຖິຕິຫວຽດນາມປະກາດໃຫ້ຮູ້ວ່າ,ດັດຊະນີລາຄາຜູ້ຊົມໃຊ້(CPI)ຂອງຫວຽດນາມໄຕມາດທີ1ປີນີ້ເພີ່ມຂຶ້ນ4,12%.
ເດືອນກຸມພາປີນີ້ເປັນຕົ້ນມາ,ລາຄາວັດຖຸດິບແລະວັດຖຸເຊື້ອໄຟພາຍໃນປະເທດຫວຽດນາມລ້ວນແຕ່ເພີ່ມຂຶ້ນ.ນອກຈາກນີ້,ລາຄາສິນຄ້ານຳເຂົ້າບາງຊະນິດກໍ່ເພີ່ມຂຶ້ນຍ້ອນອັດຕາແລກປ່ຽນເງິນດົງຕໍ່ໂດລາໄດ້ຕໍ່າລົງ.ຕາມຕົວເລກສະແດງໃຫ້ເຫັນວ່າ,ເດືອນມີນາ,ດັດຊະນີລາຄາຜູ້ຊົມໃຊ້ຂອງຫວຽດນາມເພີ່ມຂຶ້ນ0,75%ເມື່ອທຽບໃສ່ເດືອນກຸມພາ,ເພີ່ມຂຶ້ນ9,46%ເມື່ອທຽບໃສ່ໄລຍະດຽວກັນຂອງປີກາຍ.ນັກວິເຄາະກ່າວວ່າ,ຖ້າວ່າສະພາບການເພີ່ມຂຶ້ນຂອງດັດຊະນີລາຄາຜູ້ຊົມໃຊ້ໄຕມາດທີ1ປີນີ້ພັດທະນາຕໍ່ໄປ,ອັດຕາເງິນເຟີ້ຂອງຫວຽດນາມໃນ2010ອາດຈະບັນລຸ8%ຫຼືວ່າສູງກວ່າ8%,ນີ້ຈະເກີນເປົ້າໝາຍທີ່ລັດຖະບານພະຍາຍາມຄວບຄຸມບໍ່ໃຫ້ອັດຕາເງິນເຟີ້ສູງກວ່າ7%.
