ກຸ່ມເສື້ອແດງຂອງໄທຈະໄປແຫ່ຂະບວນປະທ້ວງຢູ່ຕໍ່ໜ້າກອງທັບທີ່ປະຈຳຢູ່ແຫ່ງຕ່າງໆຂອງບາງກອກ
(GMT+08:00) 2010-03-27 15:54:34 cri
ຕາມຂ່າວສານຊິນຮວາ, ຕອນເຊົ້າວັນທີ27ມີນານີ້, ທ່ານວີຣາ ມີຊີຄາປອງ ຜູ້ນຳແນວໂຮມປະຊາທິປະໄຕຕ້ານຜະເດັດການແຫ່ງຊາດໄທ ຫຼື ກຸ່ມເສື້ອແດງ ທີ່ສະໜັບສະໜູນທ່ານທັກສິນ ຊິນນະຫວັດ ອະດີດນາຍົກລັດຖະມົນຕີໄທ ປະກາດວ່າ, ກຸ່ມເສື້ອແດງຈະໄປແຫ່ຂະບວນປະທ້ວງຢູ່ຕໍ່ໜ້າກອງທັບທີ່ປະຈຳຢູ່8ແຫ່ງໃນນະຄອນຫຼວງູບາງກອກ.
ນີ້ສະແດງໃຫ້ເຫັນວ່າ, ກຸ່ມເສື້ອແດງໄດ້ຍົກເລີກການແຫ່ຂະບວນປະທ້ວງຢ່າງຂະໜາດໃຫຍ່ທີ່ຈະຈັດຂຶ້ນຢູ່ນະຄອນຫຼວງບາງກອກໃນມື້ດຽວກັນ.
ມື້ດຽວກັນ, ທ່ານວີຣາກ່າວວ່າ, ກຸ່ມເສື້ອແດງຈະໄປ8ແຫ່ງດັ່ງກ່າວ, ສົນທະນາກັບກອງທັບທີ່ປະຈຳຢູ່ແຫ່ງນັ້ນ, ແລະຊັກຊວນໃຫ້ເຂົາເຈົ້າກັບຄືນຄ້າຍທະຫານ. ພາຍຫຼັງປະກາດການເຄື່ອນໄຫວດັ່ງກ່າວແລ້ວ, ກຸ່ມເສື້ອແດງກໍເລີ່ມເຄື່ອນຍ້າຍອອກຈາກບ່ອນໂຮມຊຸມນຸມຕົ້ນຕໍທີ່ຂົວຜ່ານລີລາດແລ້ວມຸ່ງໄປຫາສະຖານທີ່ປະທ້ວງໃໝ່.
