ໄພແຫ້ງແລ້ງຂອງປະເທດລ້ອງແມ່ນ້ຳຂອງບໍ່ກ່ຽວຂ້ອງກັບການສ້າງເຂື່ອນໄຟຟ້າຢູ່ແມ່ນ້ຳລ້ານຊ້າງ
(GMT+08:00) 2010-03-27 16:38:54 cri
ຕາມຂ່າວCRI: ວັນທີ26ມີນານີ້, ໃນເວລາໃຫ້ສຳພາດຕໍ່ນັກຂ່າວCRIຜູ້ຄຸນມມິນ, ທ່ານຫວັງຈິ້ນສຽງ, ຮອງເລຂາທິການໃຫຍ່, ທັງເປັນໂຄສົກຖະແຫຼງຂ່າວຂອງອົງການປົກຄອງແຂວງຢຸນນານ ກ່າວວ່າຈີນສ້າງເຂື່ອງໄຟຟ້າຢູ່ແມ່ນ້ຳລ້ານຊ້າງບໍ່ກ່ຽວຂ້ອງກັບໄພແຫ້ງແລ້ງທີ່ເກີດຂຶ້ນຢູ່ລ້ອງປະເທດແມ່ນ້ຳຂອງ, ລະດັບນ້ຳຂອງແມ່ນ້ຳຂອງຕ່ຳລົງແມ່ນຍ້ອນຝົນຕົກໜ້ອຍ .
ຫວ່າງມໍ່ໆນີ້, ມີສື່ມວນຊົນລາຍງານວ່າ, ລະດັບນ້ຳຂອງແມ່ນ້ຳຂອງຕ່ຳລົງຫຼາຍທີ່ສຸດໃນເຄິ່ງສະຕະຫວັດມານີ້, ໝູ່ບ້ານຊົນນະບົດຂອງໄທ, ລາວ, ຫວຽດນາມ, ກຳປູເຈຍໄດ້ຮັບຜົນກະທົບ, ຍັງກະທົບເຖິງຂະແໜງການກະສິກຳ, ຂະແໜງການຫາປາລ້ຽງປາແລະການສະໜອງນ້ຳດຶ່ມ. ຕໍ່ເລື່ອງນີ້, ທ່ານຫວັງຈິ້ນສຽງກ່າວວ່າ:
"ການສ້າງເຂື່ອນໄຟຟ້າຢູ່ຍ່ານເໜືອຂອງແມ່ນ້ຳບໍ່ກ່ຽວຂ້ອງກັບໄພແຫ້ງແລ້ງ, ລະດັບນ້ຳຂອງແມ່ນ້ຳຂອງຕໍ່າລົງແມ່ນຍ້ອນປະລິມານນ້ຳຝົນໜ້ອຍລົງລຽນຕິດໃນທົ່ວລ້ອງແມ່ນ້ຳຂອງ, ໃນເວລາສ້າງເຂື່ອນໄຟຟ້າ, ອາດຈະມີກໍລະນີທີ່ປະລິມານນ້ຳໃຫ້ຫຼຸດໜ້ອຍລົງຊົ່ວຄາວ, ແຕ່ພຽງແຕ່ແມ່ນກໍລະນີຊົ່ວຄາວທໍ່ນັ້ນ, ທີ່ຈິງແລ້ວເຂື່ອງໄຟຟ້າມີບົດບາດໃນການປັບປຸງປະລິມານນ້ຳໄຫຼຂອງແມ່ນ້ຳສາຍນີ້."
ແມ່ນ້ຳລ້ານຊ້າງຢູ່ແຂວງຊິ່ງໄຮຂອງຈີນ, ຜ່ານແຂວງຢຸນນານແລ້ວໄຫຼອອກຈີນເຂົ້າລາວ, ໄທແລະປະເທດອາຊີອາຄະເນ, ແນ່ນ້ຳລ້ານຊ້າງຫຼັງຈາກໄຫຼອອກຈີນເຂົ້າລາວແລ້ວກໍ່ຊື່ແມ່ນ້ຳຂອງ.
