ກຸ່ມເສື້ອແດງຂອງໄທຮຽກຮ້ອງໃຫ້ກອງທັບທີ່ປະຈຳຢູ່ບາງກອກກັບຄືນຄ້າຍທະຫານ
(GMT+08:00) 2010-03-27 17:05:40 cri
ຕາມຂ່າວສານຊິນຮວາ:ຕອນເຊົ້າວັນທີ27ມີນານີ້,ກຸ່ມເສື້ອແດງທີ່ພວມໂຮມຊຸມນຸມຕໍ່ຕ້ານລັດຖະບານຢູ່ບາງກອກໄດ້ແຫ່ຂະບວນປະທ້ວງຢູ່ຕໍ່ຫນ້າກອງທັບທີ່ປະຈຳຢູ່ສະຖານທີ່8ແຫ່ງຂອງບາງກອກເພື່ອຮຽກຮອງໃຫ້ກອງທັບທີ່ກຳລັງປະຕິບັດພະລາຊະບັນຍັດຮັກສາຄວາມຫມັ້ນຄົງແຫ່ງລາຊະອານາຈັກກັບຄືນສູ່ຄ້າຍທະຫານ.ເຖິງວ່າກຸ່ມເສື້ອແດງໄດ້ປະທ້ວງຢູ່ຕໍ່ຫນ້າທະຫານ ແລະ ຕຳຫລວດ,ແຕ່ບໍ່ໄດ້ເກີດເຫດການຮຸນແຮງ.
ທ່ານອະພິສິດເວດຊະຊີວາ ,ນາຍົກລັດທະມົນຕີໄທແລະທ່ານສຸເທບ ເທືອກສຸບັນ, ຮອງນາຍົກລັດຖະມົນຕີທີ່ຮັບຜິດຊອບວຽກງານຮັກສາຄວາມຫມັ້ນຄົງໄດ້ສິ້ນສຸດການກວດສະຖານທີ່ຈັດກອງປະຊຸມສຸດຍອດຄະນະກຳມະການແມ່ນ້ຳຂອງຄັ້ງປະຖົມມະເລີກແລ້ວເດີນທາງກັບຄືນບາງກອກກ່ອນເວລາກຳນົດ.ທ່ານສຸເທບກ່າວວ່າ:ທ່ານໄດ້ຮຽກຮ້ອງໃຫ້ກຸ່ມເສື້ອແດງໂຮມຊຸມນຸມໂດຍສັນຕິ,ຢ່າປິດລ້ອມຖະຫນົນຫົນທາງ.ຖ້າກຸ່ມເສື້ອແດງກະທຳຜິດກົດຫມາຍ,ລັດຖະບານໄທຈະນຳໃຊ້ມາດຕະການທາງກົດຫມາຍ.
