ນາຍົກໄທເຫັນດີເຈລະຈາກັບກຸ່ມເສື້ອແດງໂດຍກົງ
(GMT+08:00) 2010-03-28 18:01:02 cri
ຕາມຂ່າວCRI:ວັນທີ28ມີນານີ້,ທ່ານສາທິດ ວົງຫນອງເຕີຍ ລັດຖະມົນຕີປະຈຳສຳນັກງານນາຍົກລັດຖະມົນຕີໄທກ່າວວ່າ:ນາຍົກໄທເຫັນດີເຈລະຈາໂດຍກົງກັບກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດ ຫລື ກຸ່ມເສື້ອແດງແລະເນັ້ນຫນັກວ່າຈະຖືຜົນປະໂຫຍດຂອງຊາດເປັນສິ່ງທີ່ສຳຄັນ.
ທ່ານສາທິດກ່າວໃນຄ້າຍທະຫານຮາບກົມທີ11ວ່າ:ເພື່ອແກ້ໄຂສະພາບທາງການເມືອງທີ່ວຸ່ນວາຍຂອງໄທໂດຍດ່ວນ,ທ່ານອະພິສິດເຫັນດີເຈລະຈາກັບຜູ້ນຳກຸ່ມເສື້ອແດງໂດຍກົງ,ແລະມອບສິດໃຫ້ທ່ານກອບສັກ ສະພາວະສຸ ເລຂາທິການຂອງສຳນັກງານນາຍົກໄທປຶກສາຫາລືບັນຫາກ່ຽວກັບເນື້ອໃນ,ວິທີ,ເວລາແລະສະຖານທີ່ຂອງການເຈລະຈາກັບຜູ້ນຳກຸ່ມເສື້ອແດງ.
