ລັດຖະບານໄທຈັດການເຈລະຈາກັບກຸ່ມເສື້ອແດງຢ່າງເປັນທາງການ
(GMT+08:00) 2010-03-28 18:21:44 cri
ຕາມຂ່າວCRI, ຕອນບ່າຍວັນທີ28ມີນານີ້, ລັດຖະບານໄທໄດ້ເຈລະຈາກັບຜູ້ສະໜັບສະໜູນກຸ່ມແນວໂຮມປະຊາທິປະໄຕຕ້ານຜະເດັດການແຫ່ງຊາດໄທ ຫຼື ກຸ່ມເສື້ອແດງ ຢ່າງເປັນທາງການ.
16ໂມງ30ນາທີຂອງວັນທີ28ມີນາ, ທ່ານອະພິສິດ ເວດຊາຊີວະ ນາຍົກລັດຖະມົນຕີ, ທ່ານກອບສັກ ສະພາວະສຸ ເລຂາທິການໃຫຍ່ສຳນັກງານນາຍົກແລະທ່ານຈຳນີ ສັກດີເຊດ ຮອງເລຂາທິການໃຫຍ່ພັກປະຊາທິປັດ ເປັນຜູ້ແທນຂອງລັດຖະບານກັບຜູ້ນຳກຸ່ມເສື້ອແດງ3ຄົນ ຈັດການເຈລະຈາກັນຢ່າງເປັນທາງການຢູ່ຄະນະກຳມະການສິດທິມະນຸດແຫ່ງຊາດທີ່ຈັງຫວັດຊຸນບູລີ ທີ່ຢູ່ທິດເໜືອບາງກອກ. ໃນການເຈລະຈາ, ກ່ອນອື່ນ, ທ່ານວີຣາ ຜູ້ນຳກຸ່ມເສື້ອແດງບັນຍາຍມູນເຫດແຫ່ຂະບວນປະທ້ວງແລະຍຸບລັດຖະສະພາ, ແລ້ວທ່ານອະພິສິດ ນາຍົກລັດຖະມົນຕີໄທໄດ້ສະແດງຄວາມຂອບໃຈຕໍ່ຜູ້ປະທ້ວງໄດ້ຍຶດໝັ້ນໂຮມຊຸມນຸມໂດຍສັນຕິ, ແລະກ່າວວ່າເຫັນດີດຳເນີນການປຶກສາຫາລືລະອຽດກ່ຽວກັບບັນຫາຕ່າງໆ ເຊັ່ນ: ຍຸບລັດຖະສະພາ, ຈັດການເລືອກຕັ້ງຄືນໃໝ່ແລະອື່ນໆ. ປະຈຸບັນ, ການເຈລະຈາຍັງດຳເນີນຢູ່ບົນພື້ນຖານທີ່ສອງຝ່າຍມີຕິດຕະພາບຕໍ່ກັນແລະເຂົ້າໃຈເຊິ່ງກັນແລະກັນ.
