ການສົນທະນາດ້ານການປ້ອງກັນແລະຄວາມຫມັ້ນຄົງອາຊຽນ + 1 ຈັດຂຶ້ນຢູ່ປັກກິ່ງ
(GMT+08:00) 2010-03-29 10:14:06 cri
ຕາມຂ່າວສານຊີນຮວາ:ວັນທີ 26 ມີນານີ້,ກົມຖະແຫລງຂ່າວຂອງກະຊວງປ້ອງກັນປະເທດຈີນແຈ້ງວ່າ, ການສົນທະນາດ້ານການປ້ອງກັນແລະຄວາມຫມັ້ນຄົງຈີນອາຊຽນຫລື ອາຊຽນ +1 ທີ່ມີສະຖາບັນວິທະຍາສາດການທະຫານຂອງກອງທັບປົດປ່ອຍປະຊາຊົນຈີນຮັບຈັດນັ້ນໄດ້ຈັດຂຶ້ນຢູ່ນະຄອນຫລວງປັກກິ່ງແຕ່ວັນທີ 29 ຫາວັນທີ 31 ມີນານີ້.ເຈົ້າຫນ້າທີ່ນະໂຍບາຍປ້ອງກັນແລະນັກວິຊາການດ້ານການປ້ອງກັນຂອງຈີນແລະປະເທດຕ່າງໆໃນອາຊຽນໄດ້ເຂົ້າຮ່ວມ,ເພື່ອລົງເລິກຫາລືບັນຫາກ່ຽວກັບການປ້ອງກັນແລະຄວາມຫມັ້ນຄົງຢູ່ພາກພື້ນ.
ສະຖາບັນວິທະຍາສາດການທະຫານຂອງກອງທັບປົດປ່ອຍປະຊາຊົນຈີນໄດ້ຈັດການສົນທະນາຂອງນັກວິຊາການດ້ານການປ້ອງກັນລະດັບສູງຈີນອາຊຽນສອງເທື່ອແລ້ວໃນປີ 2008 ແລະປີ 2009.
