ຊ່ຽວຊານວຽກງານຄວາມໝັ້ນຄົງຂອງຈີນສົ່ງເສີມໃຫ້ຄົ້ນຄວ້າເສັ້ນທາງຮ່ວມມືດ້ານຄວາມໝັ້ນຄົງທີ່ມີເອກະລັກຂອງອາຊີຕາເວັນອອກ
(GMT+08:00) 2010-03-29 18:27:10 cri
ຕາມຂ່າວCRI, ຕອນເຊົ້າວັນທີ29ມີນານີ້, ເວທີປຶກສາຫາລືກ່ຽວກັບການປ້ອງກັນຄວາມໝັ້ນຄົງຈີນອາຊຽນໄດ້ໄຂຂຶ້ນຢູ່ນະຄອນຫຼວງປັກກິ່ງ. ໃນກອງປະຊຸມ, ຊ່ຽວຊານຈີນສົ່ງເສີມໃຫ້ຄົ້ນຄວ້າເສັ້ນທາງຮ່ວມມືດ້ານຄວາມໝັ້ນຄົງທີ່ມີເອກະລັກຂອງອາຊີຕາເວັນອອກ.
ໃນພິທີໄຂປະຊຸມ, ພົນໂທຫຼິວເສິງຈຸ່ນ ຫົວໜ້າສະພາວິທະຍາສາດການທະຫານຂອງກອງທັບປົດປ່ອຍປະຊາຊົນຈີນກ່າວວ່າ, ໂດຍຜ່ານຈາກຝ່າຍຕ່າງໆຮ່ວມກັນພະຍາຍາມ, ການສ້າງສາກົນໄກຄວາມໝັ້ນຄົງຂອງອາຊີຕາເວັນອອກໄດ້ຮັບຜົນຫຼາຍ ແຕ່ສັງເກດແລ້ວເຫັນວ່າ, ຍັງມີຄວາມແຕກໂຕນກັນກັບຄວາມຕ້ອງການດ້ານການຮັກສາຄວາມໝັ້ນຄົງຂອງພາກພື້ນ, ໂດຍສະເພາະແມ່ນການສ້າງສາກົນໄກຮ່ວມມືດ້ານຄວາມໝັ້ນຄົງພາກພື້ນຍັງຢູ່ໃນໄລຍະຄົ້ນຄວ້າຢູ່. ທ່ານຊີ້ອອກວ່າ, ປະຈຸບັນ, ພາກພື້ນນີ້ມີສະຖານະການປອດໄພແລະໝັ້ນຄົງໃນດ້ານກວມລວມ, ແຕ່ກໍຍັງປະສົບກັບຄວາມຂົ່ມຂູ່ດ້ານຄວາມໝັ້ນຄົງຕ່າງໆໃນຂົງເຂດດັ້ງເດີມແລະຂົງເຂດທີ່ບໍ່ແມ່ນດັ້ງເດີມ, ສິ່ງເຫຼົ່ານີ້ທ້າທາຍຜົນປະໂຫຍດຮ່ວມຂອງພວກເຮົາ, ແລະເປັນການທົດສອບຕໍ່ສະຕິປັນຍາຂອງພວກເຮົາ. ພວກເຮົາຕ້ອງອອກແຮງປັບປຸງກົນໄກທີ່ມີຢູ່ໃນປະຈຸບັນໃຫ້ສົມບູນຂຶ້ນ, ພ້ອມກັນນັ້ນ, ຕັ້ງໜ້າຄົ້ນຄວ້າຮູບແບບຮ່ວມມືໃໝ່, ຍຶດໝັ້ນຄວາມເປັນເຈົ້າການຂອງພາກພື້ນ, ໂຄລົບລັກສະນະຫຼາກຫຼາຍຂອງພາກພື້ນ, ໂຄລົບກຫຼັການຮ່ວມມືຢ່າງສະເໝີພາບກັນ, ປະສານງານເພື່ອກ້າວເຖິງຂັ້ນເປັນເອກະພາບກັນ, ບໍ່ແຊກແຊງວຽກງານພາຍໃນແລະແກ້ໄຂຄວາມຂັດແຍ່ງກັນຢ່າງສົມເຫດສົມຜົນ, ຄ່ອຍເປັນຄ່ອຍໄປ, ຈາກງ່າຍຫາຍາກ, ບຸກເບີກເສັ້ນທາງຮ່ວມມືດ້ານຄວາມໝັ້ນຄົງທີ່ມີເອກະລັກຂອງອາຊີຕາເວັນອອກ.
