ຕາມຂ່າວສານຊິນຮວາ: ວັນທີ 29 ມີນານີ້, ສະຫະພັນປະຊາທິປະໄຕທົ່ວປະເທດ ທີ່ເປັນພັກການເມືອງໃຫຍ່ຂອງມຽນມາ ທີ່ນຳໂດຍນາງອັອງຊານຊູຈີໄດ້ຈັດກອງປະຊຸມພະນັກງານການນຳທົ່ວປະເທດ, ຕົກລົງປະຕິເສດບໍ່ຂຶ້ນທະບຽນໃນຖານເປັນພັກການເມືອງຄືນໃໝ່. ນີ້ໝາຍຄວາມວ່າ ສະຫະພັນປະຊາທິປະໄຕທົ່ວປະເທດມຽນມາຈະຂວ້ຳບາດການເລືອກຕັ້ງທົ່ວປະເທດແບບຫຼາຍພັກທີ່ຈະຈັດຂຶ້ນໃນປີນີ້.
ຫຼັງກອງປະຊຸມດ,ທ່ານອູນຽນວີນ ໂຄສົກສະຫະພັນປະຊາທິປະໄຕທົ່ວປະເທດມຽນມາກ່າວຕໍ່ສື່ມວນຊົນວ່າ, ພວກເຂົາເຈົ້າເຫັນວ່າກົດໝາຍເລືອກຕັ້ງ ເຊັ່ນ,"ກົດໝາຍວ່າດ້ວຍພັກການເມືອງຂຶ້ນທະບຽນ"ທີ່ປະກາດໃຊ້ໂດຍລັດຖະບານທະຫານນັ້ນບໍ່ຍຸດຕິທຳ.
ອີງຕາມ"ກົດໝາຍວ່າດ້ວຍພັກການເມືອງຂຶ້ນທະບຽນ"ສະບັບໃໝ່, 10 ພັກການເມືອງທີ່ຊອບດ້ວຍກົດໝາຍ 10 ພັກ ເຊິ່ງລວມທັງສະຫະພັນປະຊາທິປະໄຕທົ່ວປະເທດມຽນມາຕ້ອງຂຶ້ນທະບຽນຄືນໃໝ່."ກົດໝາຍວ່າດ້ວຍພັກການເມືອງຂຶ້ນທະບຽນ"ສະບັບໃໝ່ກຳນົດວ່າ, ພັກການເມືອງທີ່ຂຶ້ນທະບຽນໃໝ່ຮັບຜູ້ຖືກຕ້ອງອິດສະຫຼະພາບເປັນສະມາຊິກພັກບໍ່ໄດ້. ບຸກຄົນສຳຄັນໃນວົງການກົດໝາຍອະທິບາຍວ່າ, ນີ້ໝາຍຄວາມວ່າ ຖ້າສະຫະພັນປະຊາທິປະໄຕທົ່ວປະເທດມຽນມາໄດ້ຮັບການອະນຸມັດຂຶ້ນທະບຽນຄືນໃໝ່, ກໍ່ຕ້ອງລຶບຊື່ຂອງນາງອັອງຊານຊູຈີນອອກ, ເພາະວ່າ ປັດຈຸບັນນາງຍັງຖືກກັກຕົວໄວ້ຢູ່. ກົດໝາຍສະບັບໃໝ່ຍັງກຳນົດວ່າ, ຖ້າວ່າພັກການເມືອງສະເໜີຜູ້ສະໝັກຮັບເລືອກຕັ້ງ 3 ຄົນເຂົ້າຮ່ວມການເລືອກຕັ້ງສະມາຊິກສະພາສະຫະພາບ ຫຼື ສະມາຊິກສະພາແຂວງບໍ່ໄດ້, ພັກການເມືອງນັ້ນກໍ່ສືບຕໍ່ຄົງຕົວຢ່າງຊອບກົດໝາຍບໍ່ໄດ້. ທີ່ຈິງແລ້ວ,ນີ້ກໍ່ໝາຍຄວາມວ່າ ຫ້າມບໍ່ໃຫ້ພັກການເມືອງທີ່ບໍ່ເຂົ້າຮ່ວມການເລືອກຕັ້ງຄົງຕົວ.
