ຕອນຢຸນນານຈີນຂອງລົດໄຟຜ່ານອາຊີຈະເປີດໃຫ້ແລ່ນລົດໃນປີ2013
(GMT+08:00) 2010-03-31 18:28:46 cri
ຕາມຂ່າວCRI: ແຂວງຢຸນນານທີ່ຢູ່ພາກຕາເວັນຕົກສຽງໃຕ້ຂອງຈີນອອກແຮງຊຸກຍູ້ການສ້າງທາງລົດໄຟທັນສະໄໝທີ່ເຊື່ອມຕໍ່ປະເທດອາຊຽນ, ປະຈຸບັນ, ແຂວງຢຸນນານພວມເລັ່ງລັດສ້າງສາທາງລົດໄຟຜ່ານອາຊີຕອນຢູ່ແຂວງຢຸນນານທີ່ຈາກນະ ຄອນຄຸນມິງໄປຫາເມືອງຫ້າເຂົາຊາຍແດນຈີນຫວຽດນາມ, ທາງລົດໄຟສາຍນີ້ອາດຈະເປີດໃຫ້ແລ່ນລົດໃນປີ2013.
ທາງລົດໄຟຜ່ານອາຊີຕົ້ນທາງແມ່ນຊິງກະໂປ, ປາຍທາງແມ່ນຢູ່ນະຄອນຄຸນມິງ.ແຂວງຢຸນນານຂອງຈີນ, ການສ້າງສາຂອງທາງລົດໄຟນີ້ຈະເຮັດໃຫ້ການຂົ່ນສົ່ງຄົມມະນາຄົມຂອງຈີນກັບອາຊຽນເຊື່ອມຕໍ່ກັນ.
ຂ່າວສານຊິນຮວາລາຍງານວ່າ, ສາຍຕາເວັນອອກທາງລົດໄຟຜ່ານອາຊີທີ່ຕອນຢູ່ແຂວງຢຸນນານຍາວປະມານ334ກິໂລແມັດ. ຫຼັງຈາກສ້າງສຳເລັດເປີດໃຫ້ແລ່ນລົດແລ້ວ, ຂີ່ລົດໄຟຈາກນະຄອນຄຸນມິງໄປຫາເມືອງຫ້າເຂົາທີ່ເປັນເມືອງຊາຍແດນຈີນຫວຽດນາມໃຊ້ເວລາພຽງ3ຊົ່ວໂມງປາຍເທົ່ານັ້ນ. ຜູ້ຮັບຜິດຊອບຂອງກອງບັນຊາການສ້າງທາງລົດໄຟກ່າວວ່າ, ປະຈຸບັນ, ໂຄງການດັ່ງກ່າວດໍາເນີນໄປດ້ວຍດີ, ຈະເປີດໃຫ້ແລ່ນລົດຕະຫຼອດສາຍໃນປີ2013.
