ຕາມຂ່າວCRI: ຫວ່າງມໍ່ໆນີ້, ສະຖານທູດຈີນປະຈຳໄທແຈ້ງຂ່າວວ່າ, ເພື່ອຊ່ວຍເຫຼືອປະເທດລ້ອງແມ່ນ້ຳຂອງຕ້ານໄພແຫ້ງແລ້ງ, ນັບແຕ່ວັນທີ 22 ມີນາ ຈົນຮອດ ສະພາບແຫ້ງແລ້ງປີນີ້ສິ້ນສຸດລົງ, ກະຊວງຊົນລະປະທານຈີນຈະສະໜອງຂໍ້ມູນອຸທະກະທາລາຂອງສະຖານີອຸທະກະສາດແມ່ນ້ຳລ້ານຊ້າງທີ່ຢູ່ຊຽງຮຸ່ງ ແລະ ບ້ານມັນອ່ານໃນສະພາບແຫ້ງແລ້ງອັນຮ້າຍແຮງໃນສະເພາະໜ້ານີ້ໃຫ້ແກ່ຄະນະກຳມະການແມ່ນ້ຳຂອງຢ່າງຮີບດ່ວນ ໃນຕອນເຊົ້າ 9 ໂມງ ຂອງວັນຈັນທຸກອາທິດ. ຂໍ້ມູນສະໜອງອາທິດລະເທື່ອ, ເນື້ອໃນລວມທັງລະດັບນ້ຳ, ປະລິມານກະແສ
ນ້ຳໄຫຼ ແລະ ປະລິມານນ້ຳຝົນຂອງ 8 ໂມງຂອງທຸກມື້ ໃນອາທິດທີ່ຜ່ານມາ.
ຄະນະກຳມະການແມ່ນ້ຳຂອງທີ່ປະກອບດ້ວຍໄທ, ຫວຽດນາມ, ລາວ ແລະກຳປູເຈຍສະແດງຄວາມຊົມເຊີຍ ແລະ ຂອບໃຈຕໍ່ຈີນທີ່ເຮັດແນວນີ້. ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໄທກ່າວວ່າ,ນີ້ສະແດງໃຫ້ເຫັນຄວາມຈິງໃຈຂອງຈີນ ກັບ ຄະນະກຳມະການແມ່ນ້ຳຂອງດຳເນີນການຮ່ວມມື, ເພິ່ມຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ. ຂໍ້ມູນທີ່ຈີນສະໜອງນັ້ນສຳຄັນຫຼາຍ, ມີຜົນດີຕໍ່ການເພິ່ມທະວີການຄຸ້ມຄອງຊັບພະຍາກອນນ້ຳຂອງແມ່ນ້ຳຂອງ, ມີຜົນດີເຂົ້າໃຈສາເຫດທີ່ລະດັບນ້ຳແມ່ນ້ຳຂອງຫຼຸດຕ່ຳລົງ.
