ຕາມຂ່າວCRI: ວັນທີ 31 ມີນານີ້, ຢູ່ແຂວງຟູຈ້ຽນ, ຫົວໜ້າພະແນກອາຊີຕາເວັນອອກຂອງອົງການທ່ອງທ່ຽວໄທກ່າວວ່າ, ທິວທັດທຳມະຊາດອັນສວຍສົດງົດງາມ ແລະ ສິ່ງກໍ່ສ້າງບູຮານອັນສະຫງ່າຜ່າເຜີຍຂອງຈີນໄດ້ດຶງດູດນັກທ່ອງທ່ຽວຂອງໄທຈຳນວນຫຼາຍສົມຄວນ,ຈີນໄດ້ກາຍເປັນປະເທດຈຸດໝາຍປາຍທາງການທ່ອງທ່ຽວອັນດັບ1ຂອງໄທ.
ປີ2009, ນັກທ່ອງທ່ຽວຂອງແຜ່ນດິນໃຫຍ່ຈີນທີ່ໄປທ່ຽວໄທມີເກືອບ 8 ແສນ 4 ໝື່ນເທື່ອຄົນ, ຮົງກົງມີເກືອບ 3 ແສນ 2 ໝື່ນເທື່ອຄົນ, ໄຕ້ຫວັນມີ 3 ແສນ 6 ໝື່ນເທື່ອຄົນ, ໄດ້ສ້າງລາຍຮັບຫຼາຍກວ່າ40 ຕື້ບາດໃຫ້ ໄທ, ຕະຫຼາດການທ່ອງທ່ຽວຂອງຈີນເປັນຕະຫຼາດອັນດັບ 3 ທີ່ເຂົ້າໄປທ່ຽວໄທ, ສ່ວນຢູ່ໄທ ມີນັກທ່ອງທ່ຽວ 5 ແສນກວ່າເທື່ອຄົນໄປທ່ຽວຢູ່ຈີນ, ຈີນໄດ້ກາຍເປັນປະເທດຈຸດໝາຍປາຍທາງການທ່ອງທ່ຽວອັນດັບ 1 ຂອງໄທ.
