ພາກເໜືອຂອງໄທເກີດໄພແຫ້ງແລ້ງໜັກໜ່ວງ
(GMT+08:00) 2010-04-02 18:57:01 cri
ຕາມຂ່າວCRI: ຫວ່າງມໍ່ໆນີ້, ເຂດລຸ່ມແມ່ນ້ຳລ້ານຊ້າງແມ່ນ້ຳຂອງເກີດໄພແຫ້ງແລ້ງອັນໜັກໜ່ວງ, ໄດ້ສ້າງຜົນກະທົບຢ່າງໜັກໜ່ວງຕໍ່ການຜິລິດແລະຊີວິດການເປັນຢູ່ຂອງປະຊາຊົນໃນເຂດດັ່ງກ່າວ. ໃນ76ຈັງຫວັກຂອງໄທມີເກືອບ 50%ປະສົບໄພແຫ້ງແລ້ງ, ໂດຍສະເພາະແມ່ນພາກເໜືອແລະພາກຕາເວັນອອກ ສຽງເໜືອໄດ້ປະສົບໄພຢ່າງໜັກໜ່ວງທີ່ສຸດ.
ອີງຕາມສະຖິຕິຂອງພາກສ່ວນປ້ອງກັນໄພແລະຫຼຸດໄພຂອງໄທ, ຊີວິດການເປັນຢູ່ຂອງປະຊາຊົນຫຼາຍກວ່າ4ລ້ານຄົນຈະໄດ້ຮັບຜົນກະທົບ, ມີທົ່ງນາເກືອບ2ໝື່ນເຮັກ ຕາຈະມີຜົນຜະລິດໜ້ອຍລົງ. ປະຈຸບັນ, ສະພາບແຫ້ງແລ້ງຍັງບໍ່ໄດ້ຜ່ອນຄາຍລົງ.
ພ້ອມກັນນັ້ນ, ຄະນະກຳມະການແມ່ນ້ຳຂອງທີ່ປະກອບດ້ວຍ4ປະເທດທີ່ຢູ່ ຍ່ານໃຕ້ແມ່ນ້ຳຂອງ ຄືໄທ, ຫວຽດນາມ, ລາວແລະກຳປູເຈຍຈະນຳໃຊ້ໂອກາດທີ່ຈັດກອງປະຊຸມເທື່ອທຳອິດໃນວັນທີ2ຫາວັນທີ5ເມສານີ້, ປຶກສາຫາລືກັບຈີນ, ມຽນມາແລະປະເທດອື່ນໆກ່ຽວກັບການຮັບມືກັບບັນຫາໄພແຫ້ງແລ້ງແນວໃດ. ປະຈຸບັນ, ຈີນເລີ່ມສະໜອງສະຖິຕິແລະຂໍ້ມູນຂອງສະຖານີອຸທົກກະສາດຢູ່ຍ່ານເໜືອໃຫ້ປະເທດໃນຄະນະກຳມະການດັ່ງກ່າວເປັນປະຈຳ, ໂດຍຫວັງວ່າຈະສສມາດຊ່ວຍເຫຼືອປະເທດທີ່ຢູ່ຍ່ານໃຕ້ຮັບມືກັບໄພແຫ້ງແລ້ງ.
