ລັດຖະບານກຳປູເຈຍຈະຫ້າມທ່ານທັກສິນເຂົ້າກຳປູເຈຍ
(GMT+08:00) 2010-04-05 16:11:12 cri
ຕາມຂ່າວCRI: ວັນທີ4ເມສານີ້ ຢູ່ຫົວຫີນ ທ່ານສຸເທບ ເທືອກສຸບັນ,ຮອງນາ ຍົກລັດຖະມົນຕີໄທກ່າວວ່າ,ມື້ດຽວກັນ ທ່ານຮຸນເຊັນ ນາຍົກລັດຖະມົນຕີກຳປູເຈຍໄດ້ພົບປະກັບທ່ານແລະກ່າວເນັ້ນວ່າ,ການພົວພັນລະຫວ່າງທ່ານກັບທ່ານທັກສິນ ຊິນນະວັດແມ່ນການພົວພັນສ່ວນຕົວ,ເດັດຂາດບໍ່ກະທົບເຖິງການພົວພັນກັບໄທ.ນອກຈາກທ່ານທັກສິນ ອະດີດນາຍົກໄທຢຸດເຊົາການບັນຊາການເຄື່ອນໄຫວປະທ້ວງຂອງກຸ່ມເສື້ອແດງແລ້ວ,ຖ້າບໍ່ດັ່ງນັ້ນກຳປູເຈຍຈະຫ້າມທ່ານເຂົ້າກຳປູເຈຍ.
ທ່ານສຸເທບແມ່ນໃຫ້ຄຳເວົ້າດັ່ງກ່າວໃນເວລາໃຫ້ສຳພາດຫຼັງຈາກພົບປະກັບທ່ານຮຸນເຊັນ ນາຍົກລັດຖະມົນຕີກຳປູເຈຍທີ່ມາເຂົ້າຮ່ວມກອງປະຊຸມສຸດຍອດຄະນະກຳມາທິການແມ່ນ້ຳຂອງຄັ້ງທຳອິດໃນມື້ດຽວກັນ.ນອກນີ້,ທ່ານສຸເທບຍັງກ່າວວ່າ,ສອງຝ່າຍເປັນເອກະສັນກັນໃນການແກ້ໄຂບັນຫາຊາຍແດນສອງປະເທດໂດຍສັນຕິ,ແລະກ່າວວ່າຈະທຳຄວາມພະຍາຍາມສຸດຂີດຫຼີກເວັ້ນການປະທະກັນຢູ່ຊາຍແດນ,ບໍ່ກະທົບເຖິງຊີວິດການເປັນຢູ່ຂອງປະຊາຊົນສອງຊາດຢູ່ຊາຍແດນ, ພ້ອມກັນນັ້ນຈະຟື້ນຟູການພົວພັນທາງການທູດລະຫວ່າງໄທກັບກຳປູເຈຍເປັນປົກກະຕິໂດຍໄວເທົ່າທີ່ຈະໄວໄດ້.
