ຕາມຂ່າວCRI: ວັນທີ 8 ເມສານີ້, ລັດຖະມົນຕີການຕ່າງປະເທດ 10 ປະເທດອາຊຽນໄດ້ເຊັນ"ອະນຸສັນຍາກ່ຽວກັບກົນໄກແກ້ໄຂກໍລະນີພິພາດພາຍໃຕ້ກົດບັດອາຊຽນ" ຢູ່ນະຄອນຫຼວງຮ່າໂນ້ຍ. ອະນຸສັນຍາຈະມີຜົນບັງຄັບໃຊ້ຫຼັງຈາກປະເທດສະມາຊິກຕ່າງໆອະນຸມັດ.
ລັດຖະມົນຕີການຕ່າງບັນດາປະເທດຂອງປະເທດອາຊຽນກ່າວຮ່ວມກັນວ່າ,ການເຊັນອະນຸສັນຍາດັ່ງກ່າວ ພ້ອມທັງ"ສັນຍາກ່ຽວກັບບູລິມະສິດ ແລະ ສິດຍົກເວັ້ນຂອງອາຊຽນ"ທີ່ປະເທດອາຊຽນໄດ້ເຊັນກັນກ່ອນໜ້ານີ້ນັ້ນ ສະແດງໃຫ້ເຫັນຄວາມຕັດສິນໃຈຂອງອາຊຽນຫັນເປັນ"ປະຊາຄົມທີ່ສ້າງຂຶ້ນບົນພື້ນຖານກົດໝາຍ",ແລະຈະຊຸກຍູ້ການຈັດຕັ້ງປະຕິບັດ"ກົດບັດອາຊຽນ" ແລະ ການສ້າງສາປະຊາຄົມອາຊຽນ.
