ນາຍົກໄທກ່າວວ່າຈະເຮັດໃຫ້ສະຖານະການພາຍໃນປະເທດຟື້ນຟູຄືນເປັນປົກກະຕິໂດຍໄວ
(GMT+08:00) 2010-04-10 18:43:22 cri
ຕາມຂ່າວCRI,ຄືນວັນທີ9ເມສານີ້,ທ່ານອະພິສິດເວດຊາຊີວະ ນາຍົກລັດຖະມົນຕີໄທໄດ້ກ່າວຄຳປາໄສໂດຍທາງໂທລະພາບວ່າ,ລັດຖະບານໄທຈະສືບຕໍ່ພະຍາຍາມປົກປັກຮັກສາຄວາມເປັນລະບຽບຮຽບຮ້ອຍດ້ານກົດໝາຍ,ເຮັດໃຫ້ສະຖານະການພາຍໃນປະເທດຟື້ນຟູຄືນເປັນປົກກະຕິໂດຍໄວ.
ທ່ານອະພິສິດກ່າວວ່າ,ຂ້າພະເຈົ້າຢາກໃຫ້ຄົນທັງຫຼາຍຮູ້ວ່າ,ເຖິງຈະມີຫຼາຍໆຄົນຮູ້ສຶກຜິດຫວັງຕໍ່ສະຖານະການປັດຈຸບັນກໍ່ຕາມ,ແຕ່ຂ້າພະເຈົ້າພ້ອມດ້ວຍເຈົ້າໜ້າທີ່ທຸກຄົນທີ່ປະຕິບັດໜ້າທີ່ປ້ອງກັນຄວາມສະຫງົບລ້ວນແຕ່ຈະບໍ່ປະລະຄວາມພະຍາຍາມ.ພວກຂ້າພະເຈົ້າຈະຍຶດໝັ້ນໜ້າທີ່ຕຳແໜ່ງຂອງຕົນເພື່ອຮັບປະກັນຄວາມເປັນລະບຽບຮຽບຮ້ອຍດ້ານລະບົບກົດໝາຍຂອງຊາດ.
ທ່ານອະພິສິດຍັງກ່າວວ່າ,ລັດຖະບານໄດ້ຮ້ອງຂໍໃຫ້ສານອະນຸມັດອອກໝາຍສັ່ງຈັບຜູ່ນຳກຸ່ມເສື້ອແດງ17ຄົນທີ່ປຸກປັ່ນການໃຊ້ຄວາມຮຸນແຮງແລະລະເມີດກົດໝາຍ.
