ສື່ອິນໂດເນເຊຍກ່າວວ່າ ອິນໂດເນເຊຍຕ້ອງການຈີນຫຼາຍກວ່າ
(GMT+08:00) 2010-04-19 18:24:17 cri
ຕາມຂ່າວສານຊີນຮວາ:ໜັງສືພິມ《ຈາກາກຕາ ໂພສດ໌》ສະບັບພາສາອັງກິດຂອງອິນໂດເນເຊຍສະບັບວັນທີ 19 ເມສານີ້ພິມບົດວິຈານໂດຍຂຽນວ່າ,ໃນການພົວພັນລະຫວ່າງຈີນກັບອິນໂດເນເຊຍ,ອິນໂດເນເຊຍຕ້ອງການຈີນຫຼາຍກວ່າ.
ບົດຄວາມລົງນາມບົດນີ້ຂຽນວ່າ,ຕະຫຼາດຕ່າງປະເທດດັ້ງເດີມຂອງອິນໂດເນເຊຍພວມຫຼຸດນ້ອຍລົງ,ສ່ວນຕະຫຼາດຂອງຈີນພັດພວມເປີດກວ້າງອອກຢ່າງບໍ່ຢຸດຢັ້ງ.ປີກາຍນີ້,ຈີນໄດ້ເປັນຕະຫຼາດສົ່ງອອກໃຫຍ່ທີ 3 ຂອງອິນໂດເນເຊຍ.ສ່ວນເຂດການຄ້າເສລີຈີນ-ອາຊຽນໄດ້ເປີດຕະຫຼາດຂອງຈີນໃຫ້ແກ່ອິນໂດເນເຊຍ,ອິນໂດເນເຊຍຄວນພະຍາຍາມເຮັດໃຫ້ຕົນເອງໄດ້ຮັບຜົນປະໂຫຍດຫຼາຍກວ່າເກົ່າຈາກຕະຫຼາດນີ້.
ບົດຄວາມຂຽນວ່າ,ອິນໂດເນເຊຍສົ່ງອອກສິນຄ້າໄປຈີນເພີ່ມຂຶ້ນນັ້ນໝາຍຄວາມວ່າສິນຄ້າຂອງອິນໂດເນເຊຍມີກຳລັງແຂ່ງຂັນສູງຂຶ້ນໃນຕະຫຼາດຂອງຈີນ,ພ້ອມກັນນັ້ນ,ກໍ່ໝາຍຄວາມວ່າ,ສິນຄ້າຂອງອິນໂດເນເຊຍໄດ້ມີກຳລັງແຂ່ງຂັນສູງຂຶ້ນໃນຕະຫຼາດທົ່ວໂລກ.
ໃນມ້ວນທ້າຍຂອງບົດຄວາມຂຽນວ່າ,ການຂາດດຸນການຄ້າແມ່ນປະກົດການທຳມະດາໃນການຄ້າທົ່ວໂລກ,ອິນໂດເນເຊຍເສຍປຽບດຸນການຄ້າຕໍ່ຈີນບໍ່ຄວນເປັນຫ່ວງຫຼາຍ.
