ຕາມຂ່າວສານຊິນຮວາ: ວັນທີ 24 ເມສານີ້, ຢູ່ມານີລາ ນະຄອນຫຼວງຟິລິນປິນ,ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກໂນໂລຊີຈີນໄດ້ພົບປະທ່ານອັສເຕຼີຍ ອາລາປັສໂຕຼ ລັດຖະມົນຕີກະຊວງວ່າການວິທະຍາສາດເຕັກໂນໂລຊີຟິລິບປິນ, ສອງຝ່າຍໄດ້ແລກປ່ຽນຄວາມຄິດຄວາມເຫັນຕໍ່ການຮ່ວມມືດ້ານວິທະຍາສາດເຕັກໂນໂລຊີລະຫວ່າງຈີນ ກັບ ຟິລິບປິນ.
ທ່ານວ້ານກ່າງກ່າວວ່າ, ຈີນ ກັບ ຟິລິບປິນມີຜົນປະໂຫຍດຮ່ວມໂດຍທົ່ວໄປໃນການພັດທະນາພະລັງງານສະອາດ ແລະ ຮັບມືກັບການປ່ຽນແປງຂອງດິນຟ້າອາກາດ, ຝ່າຍຈີນຍິນດີດຳເນີນການຮ່ວມມືກັບຝ່າຍຟິລິບປິນໃນຂົງເຂດດິນຟ້າອາກາດ, ພະລັງງານໃໝ່ແລະພະລັງງານເກີດໃໝ່ໄດ້, ອະນຸລັກສິ່ງແວດລ້ອມ ພ້ອມທັງປ້ອງກັນໄພທຳມະຊາດ, ຊຸກຍູ້ວິສາຫະກິດແບບວິທະຍາສາດເຕັກໂນໂລຊີຂອງສອງປະເທດລົງທຶນຮ່ວມກັນປະກອບທຸລະກິດໃນຂົງເຂດພະລັງງານເກີດໃໝ່ໄດ້ ໂດຍສະເພາະແມ່ນຂົງເຂດພະລັງງານແສງຕາເວັນ.