ຕາມຂ່າວCRI: ຫວ່າງມໍ່ໆມານີ້, ພິທີອັດຊຸດອົບຮົມພາສາຈີນສຳລັບຄູສອນພາສາຈີນຂອງປະເທດອາຊີອາຄະເນປີ2010ໄດ້ຈັດຂຶ້ນຢູ່ວິທະຍາໄລພາສາຈີນປັກກິ່ງ.
ໃນເວລາ 3 ອາທິດ, ຄູສອນພາສາຈີນ 47 ຄົນທີ່ມາຈາກ 5 ປະເທດ ຄື,ລາວ,ຟິລິບປິນ,ກຳປູເຈຍ,ມຽນມາ ແລະ ໄທໄດ້ຮ່ຳຮຽນຫຼັກສູດວິຊາສະເພາະ ເຊັ່ນ,ການຜັນສຽງ ແລະ ວິທີສອນພາສາຈີນເປັນຕົ້ນ ພ້ອມທັງຫຼັກສູດດ້ານວັດທະນະທຳ ເຊັ່ນ,ການຂຽນງາມ ແລະ ການແຕ້ມຮູບເປັນຕົ້ນ. ສຳມະນາກອນໄດ້ໄປທັດສະນະສຶກສາພະລາຊະວັງບູຮານ, ວັງລະດູຮ້ອນ, ສວນໂອລິມປິກ ແລະ ວັງພັກຮ້ອນເຊີງເຕີແຂວງເຮີເປ, ສຳຜັດກັບປະຫວັດສາດ ແລະ ວັດທະນະທຳພື້ນເມືອງຂອງຈີນ. ໃນໄລຍະຈັດຊຸດອົບຮົມ, ເມືອງອີ້ຊູ້ແຂວງຊີ່ງໄຫຂອງຈີນໄດ້ເກີດໄພແຜ່ນດິນໄຫວຂັ້ນ 7,1 ລິກເຕີ, ສຳມະນາກອນກໍ່ໄດ້ບໍລິຈາກເງິນໃຫ້ແກ່ເຂດປະສົບໄພ.
