ຕາມຂ່າວCRI: ວັນທີ 26 ເມສານີ້, ເວທີປຶກສາຫາລື"ຈີນທີ່ເຂັ້ມແຂງ:ຜົນສະທ້ອນ ກັບ ການທ້າທາຍ"ທີ່ສະມາຄົມອຸດສາຫະກຳການຄ້າແຫ່ງຊາດມະເລເຊຍເປັນຝ່າຍຈັດຕັ້ງໄດ້ຈັດຂຶ້ນຢູ່ນະຄອນຫຼວງກົວລະລຳເປີ. ທ່ານມູຮີດີນ ຢາຊິນ ຮອງນາຍົກລັດຖະມົນຕີມະເລເຊຍກວ່າວ່າ, ຄວນເບິ່ງການເພິ່ມຂຶ້ນຂອງກຳລັງທະຫານຂອງຈີນດ້ວຍທ່າທີອັນຕັ້ງໜ້າ, ຫາກບໍ່ແມ່ນຖືເປັນໄພຂົ່ມຂູ່.
ທ່ານກ່າວວ່າ, ໃນຂະນະທີ່ກຳລັງທະຫານຂອງຈີນເພິ່ມຂຶ້ນກໍ່ໄດ້ປະກອບສ່ວນຫຼາຍເຂົ້າໃນສັນຕິພາບຂອງໂລກ. ຈີນສົ່ງກຳປັ່ນທະຫານໄປໂຈມຕີໂຈນທະເລກໍ່ສາມາດຢືນຢັນຂໍ້ນີ້. ເຖິງວ່າຈີນມີກຳລັງທະຫານອັນແຂງແຮງ, ແຕ່ຈີນຍິ່ງຍິນດີເລືອກຊ່ອງທາງຫຼາຍຝ່າຍທີ່ມີຢູ່ມາແກ້ໄຂບັນຫາ. ຈີນສາມາດພິຈາລະນາຢ່າງສຸຂຸມຮອບຄອບ ແລະ ໃຊ້ແສນຍານຸພາບຂອງຕົນຢ່າງບໍ່ມີລັກສະນະຮຸກຮານ, ນີ້ເຮັດໃຫ້ປະເທດຕ່າງໆ ເຊັ່ນ,ມະເລເຊຍເປັນຕົ້ນຮູ້ສຶກອຸ່ນອຽນໃຈ.