ຕາມຂ່າວCRI: ວັນທີ 1 ພຶດສະພານີ້, ຄະນະກຳມະການສິດທິມະນຸດຂອງໄທໄດ້ວາງຂໍ້ສະເໜີ,ຫວັງໃຫ້ລັດຖະບານຈັດການເຈລະຈາສັນຕິພາບກັບຜູ້ນຳ"ກຸ່ມເສື້ອແດງ"ເພື່ອສິ້ນສຸດວິກິດການທາງການເມືອງໃນປະຈຸບັນ.
ສື່ມວນຊົນໄທລາຍງານວ່າ, ກ່ຽວກັບສະຖານະການການເມືອງໃນປະຈຸບັນ,ຄະນະກຳມະການສິດທິມະນຸດຂອງໄທໄດ້ປຶກສາຫາລືກັບອາດີດນາຍົກລັດຖະມົນຕີ 4 ທ່ານ ຄື,ທ່ານຊວນ ຫຼີກໄພ, ທ່ານບັນຫານ ສິນປະອາຊາ, ທ່ານຊະວະລິດ ຢົງໃຈຍຸດ ແລະ ທ່ານສົມຊາຍ ວົງສະຫວັດ ພ້ອມທັງຜູ້ນຳວົງການສາດສະໜາ 3 ທ່ານ. ຄະນະກຳມະການສິດທິມະນຸດໄດ້ວາງຂໍ້ສະເໜີດັ່ງນີ້: ທຸກຝ່າຍຕ້ອງຢຸດເຊົາໃຊ້ກຳລັງຮຸນແຮງ, ທຸກຝ່າຍຕ້ອງຢຸດເຊົາຂົ່ມຂູ່ບັງຄັບຜູ້ອື່ນ ແລະ ໃຊ້ສິດທິມະນຸດຊະຊາຍ, ລັດຖະບານ ກັບ ກຸ່ມເສື້ອແດງຈັດການເຈລະຈາພາຍໃນຢ່າງຈິງໃຈ, ແຜນການຫຼັງຈາກການເຈລະຈາຕ້ອງເປີດເຜີຍໃຫ້ມວນຊົນຮູ້, ແລະຍົກສູງລະດັບເຂົ້າຮ່ວມການແກ້ໄຂບັນຫາການເມືອງເປັນເວລາຍາວນານຂອງມວນຊົນ, ມະຫາຊົນໃນສັງຄົມຄວນກ່າວປະນາມຜູ້ປະຕິເສດບໍ່ຮັບເອົາການເຈລະຈາສັນຕິພາບ ແລະ ມີເຈດຕະນາຮ້າຍຕໍ່ຊາດ, ລັດຖະບານຕ້ອງຮັບຟັງຄຳຮຽກຮ້ອງຕໍ່ຍຸດຕິທຳ ແລະ ສະເໝີພາບຂອງມວນຊົນ.
ຄະນະກຳມະການສິດທິມະນຸດຂອງໄທກ່າວວ່າ, ຫວັງໃຫ້ຝ່າຍທີ່ກ່ຽວຂ້ອງຮັບເອົາການເຈລະຈາສັນຕິພາບເພື່ອຜົນປະໂຫຍດແຫ່ງຊາດ.
