ກຸ່ມຕໍ່ຕ້ານລັດຖະບານຟີລິບປິນເພີ່ມການໂຈມຕີ
(GMT+08:00) 2010-05-05 17:25:18 cri
ຕາມຂ່າວສານຊີນຮວາ:ວັນທີ 10 ພຶດສະພານີ້,ຟີລິບປິນຈະຈັດການເລືອກຕັ້ງປະທານາທິບໍດີແລະການເລືອກຕັ້ງອົງການປົກຄອງທ້ອງຖິ່ນ.ໃນເວລາການເລືອກຕັ້ງໃກ້ຈະມາເຖິງນີ້,ກຸ່ມຕໍ່ຕ້ານລັດຖະບານຂອງຟີລິບປິນກໍ່ໄດ້ເພີ່ມການໂຈມຕີຕໍ່ກອງທັບແລະກອງຕຳຫຼວດຂອງລັດຖະບານ.
ຕອນຮຸ່ງເຊົ້າວັນທີ 5 ພຶດສະພານີ້,ສະມາຊິກ"ກອງທັບປະຊາຊົນໃໝ່"ທີ່ເປັນກຸ່ມຕໍ່ຕ້ານລັດຖະບານປະມານ 200 ຄົນໄດ້ຍຶດທາງຫຼວງຕອນໜຶ່ງຢູ່ຕາແສງມອນກາໂຢແຂວງຮ່ອມພູຄອມພົສເຕລາເກາະມິນດານາວເປັນໄລຍະໜຶ່ງ,ໄດ້ວາງສິ່ງກີດຂວາງຢູ່ຕາມທາງ,ກວດກາລົດທີ່ຜ່ານໄປມາ,ແລະໄດ້ຈັບທະຫານແລະຕຳຫຼວດ 4 ຄົນ.ນອກນີ້,ວັນທີ 4 ພຶດສະພານີ້,ຢູ່ແຂວງຊູຣີກາວ ເດ ເຊີເກາະມິນດານາວ,ມີທະຫານລັດຖະບານຄົນໜຶ່ງພ້ອມດ້ວຍເມຍຖືກກຸ່ມຕ້ານລັດຖະບານຍິງເສຍຊີວິດ.
ວັນທີ 4 ພຶດສະພານີ້,ຢູ່ແຂວງກາຕັນດົວເນັສ ພາກຕາເວັນອອກຟີລິບປິນ,ຕຳຫຼວດກອງໜຶ່ງທີ່ຂົນສົ່ງເຄື່ອງກວດບັດເລືອກຕັ້ງດ້ວຍແສງໄດ້ຖືກກຸ່ມ"ກອງທັບປະຊາຊົນໃໝ່"ໂຈມຕີ,ມີຕຳຫຼວດ 7 ຄົນໄດ້ຮັບບາດເຈັບ.
