ມຽນມາກຽມຈະເລີ່ມເຮັດວິຊາກັບດ່ານຢູ່ສະໜາມບິນສາກົນ
(GMT+08:00) 2010-05-05 17:38:05 cri
ຕາມຂ່າວCRI:ວັນທີ 4 ພຶດສະພານີ້,ທ່ານດິງທົງອອງ,ເລຂາສະຫະພັນນັກທຸລະກິດການທ່ອງທ່ຽວມຽນມາກ່າວວ່າ,ອີກບໍ່ດົນ,ລັດຖະບານມຽນມາຈະເລີ່ມໃຫ້ການບໍລິການເຮັດວິຊາກັບດ່ານແກ່ຄົນຕ່າງປະເທດຢູ່ສະໜາມບິນສາກົນທີ່ສຳຄັນສອງແຫ່ງ,ໃນຂ້າງໜ້ານີ້,ນັກທ່ອງທ່ຽວຕ່າງປະເທດເຂົ້າມາທ່ຽວຢູ່ມຽນມາຈະສະດວກກວ່າເກົ່າ.
ທ່ານດິງທົງອອງກ່າວວ່າ,ສະໜາມບິນສາກົນທີ່ເລີ່ມໃຫ້ການບໍລິການເຮັດວິຊາກັບດ່ານມີສອງແຫ່ງ,ແຫ່ງໜຶ່ງຢູ່ຢາງກຸ້ງ,ນະຄອນໃຫຍ່ທີ່ສຸດຂອງມຽນມາ,ອີກແຫ່ງໜຶ່ງຢູ່ມັນດາເລ,ເມືອງວັດທະນະທຳບູຮານທີ່ມີຊື່ສຽງຂອງມຽນມາ.ຂ່າວແຈ້ງວ່າ,ຄ່າວິຊາກັບດ່ານຢູ່ສະໜາມບິນມຽນມາແມ່ນ 30 ໂດລາ,ເຊັນວິຊາເທື່ອໜຶ່ງຈະຢູ່ມຽນມາໄດ້ 28 ວັນ.