ຕາມຂ່າວCRI: ວັນທີ 4 ພຶດສະພານີ້, ໂຄງການຮ່ວມມືຄົ້ນຄວ້າເຂົ້າພັນປະສົມ ລະຫວ່າງອົງການປົກຄອງເມືອງອີ້ລີນເຂດກວາງຊີຈີນ ກັບ ກົມກະສິກຳບຼູໄນເລິ່ມປະຕິບັດຢ່າງເປັນທາງການ.
ໂຄງການນີ້ແມ່ນການຮ່ວມມືລະຫວ່າງລັດຖະບານ ກັບ ອົງການປົກຄອງ, ອົງການປົກຄອງອີ້ລີນເຂດກວາງຊີສົ່ງນັກວິຊາການ 16 ຄົນ, ແລະສະໜອງແນວພັນເຂົ້າປະສົມ ພ້ອມທັງເຕັກນິກ ແລະ ອຸປະກອນ, ກົມກະສິກຳບຼູໄນສະໜອງທີ່ດິນ ແລະ ສິ່ງອຳນວຍຄວາມສະດວກ, ແລະຮັບຜິດຊອບຄ່າໃຊ້ຈ່າຍທັງໝົດຂອງນັກວິຊາກອນຈີນ. ໃນ 6 ເດືອນຕໍ່ໜ້າ, ໜ່ວຍນັກວິຊາການຈະທົດລອງປູກຝັງຫຼາຍແນວພັນພາຍໃຕ້ເງື່ອນໄຂຕ່າງກັນ. ຫຼັງຈາກການທົດລອງ, ລັດຖະບານບຼູໄນຈະເລືອກເອົາແນວພັນຄຸນນະພາບດີ 1-2 ຊະນິດເພື່ອດຳເນີນການປູກຝັງຂະໜາດໃຫຍ່, ລັດຖະບານບຼູໄນຈະຊື້ເຂົ້າທີ່ປູກນັ້ນທັງໝົດ.
