黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
老挝水坝_fororder_111111111

ຕິດຕາມສະພາບການຢູ່ແຂວງອັດຕະປືຫຼັງເກີດອຸບັດເຫດເຂື່ອນໄຟຟ້າແຕກ

2018-07-30 16:49:22 cri

ຕາມ​ຂ່າວCRI: ຕອນ​ຄ່ຳ​ວັນ​ທີ 23 ກໍ​ລະ​ກົດ​ນີ້, ເຂື່ອນ​ໄຟ​ຟ້າ​ເຊ​ປຽນ-ເຊ​ນ້ຳ​ນ້ອຍ​ແຂວງ​ອັດ​ຕະ​ປື​ແຕກ, ເຮັດ​ໃຫ້​ເກີດ​ຄວາມ​ເສຍ​ຫາຍ​ດ້ານ​ຊີ​ວິດ ແລະ ຊັບ​ສິນ​ຢ່າງ​ໜັກ​ໜ່ວງ. ນັກ​ຂ່າວ CRI ໄດ້​ມຸ່ງ​ໜ້າ​ໄປ​ສູ່​ເຂດ​ປະ​ສົບ​ໄພ ເພື່ອຕິດ​ຕາມ​ການ​ຊ່ວ​ຍ​ເຫຼືອ​ກູ້​ໄພ.

图片默认标题_fororder_图1

ຕອນ​ຄ່ຳ​ວັນ​ທີ 23 ກໍ​ລະ​ກົດ​ນີ້, ເຂື່ອນ​ໄຟ​ຟ້າ​ເຊ​ປຽນ-ເຊ​ນ້ຳ​ນ້ອຍ​ແຂວງ​ອັດ​ຕະ​ປື​ແຕກ ເຮັດ​ໃຫ້ຫຼາຍ​ບ້ານ​ຂອງ​ເມືອງ​ສະ​ໜາມ​ໄຊ​ແຂວງ​ອັດ​ຕະ​ປື​ຖືກ​ນ້ຳ​ຖ້ວມ ແລະ ເຮັດ​ໃຫ້​ປະ​ຊາ​ຊົນ 1 ໝື່ນກວ່າ​ຄົນ​ບໍ່​ມີ​ທີ່​ຢູ່​ອາ​ໄສ.

图片默认标题_fororder_图2

5 ມື້​ຜ່ານ​ໄປ​ແລ້ວ, ສະ​ພາບ​ການ​ໃນ​ເຂດ​ປະ​ສົບ​ໄພ​ຢູ່​ເມືອງ​ສະ​ໜາມ​ໄຊ​ດີ​ຂຶ້ນ​ເທື່ອ​ລະ​ກ້າວ. ປັດ​ຈຸ​ບັນ, ມີ​​ຜູ້​ປະ​ສົບ​ໄພ 7.324 ຄົນ​ໄດ້​ຮັບ​ການ​ຈັດ​ສັນ​ຢ່າງ​ເປັນ​​ລະ​ບຽບຮຽບ​ຮ້ອຍ.

图片默认标题_fororder_图3
ປະ​ຊາ​ຊົນ​ຜູ້​ປະ​ສົບ​ໄພ​ພັກ​ເຊົາ​ຢູ່​ສູນ​ບັນ​ເທົາ​ທຸກ

图片默认标题_fororder_图4

ພໍ່​ຕູ້​ສິດ ແລະ ຄອບ​ຄົວ​ພັກ​ຢູ່​ສູນ​ບັນ​ເທົາ​ທຸກ​ໂຮງ​ຮຽນ​ປະ​ຖົມ​ເມືອງ​ສະ​ໜາມ​ໄຊ. ທ່ານ​ໄດ້ບອກ​ນັກ​ຂ່າວ​ວ່າ: ຕອນ​ຄ່ຳ​ວັນ​ທີ 23 ກໍ​ລະ​ກົດ​ນີ້, ພໍ່​ຕູ້​ກັບ​ເມຍ​ພວມ​ມ້​ຽນ​ເຄື່ອງ​ຫາ​ປາ​ໃນ​ເຮືອນ ແລະ ກຽມ​ຈະ​ກິນ​ເຂົ້າ, ເຫັນ​ນ້ຳ​ໄຫຼ​ເຂົ້າ​ເຮືອນ, ເລີຍ​​ມ້ຽນ​ເຄື່ອງ​ຂອງ​ໄປ​ຊັ້ນ 2, ນ້ຳຫຼັ່ງ​ໄຫຼ​ເຂົ້າ​ເຮືອນ​ບໍ່​ຂາຍ​ສາຍ. ບໍ່​ພໍ​ເທົ່າ​ໃດ, ນ້ຳ​ໃນ​ເຮືອນ​ກໍ​ສູງ​ເຖິງ​ແມັດ​ປາຍ​ແລ້ວ. ພໍ່​ຕູ້ຫຼຽວ​ເຫັນ​ເຮືອນ​ທາງ​ຂ້າງ​ຖືກ​ນ້ຳ​ເຊາະ​ພັງ​ລົງ, ພໍ່​ຕູ້​ແລະ​ເມຍ​ຮູ້​ສຶກ​ຢ້ານ​ກົວ. ພໍ​ດີຫຼານ​ຂອງ​ພໍ່​ຕູ້​ໄດ້​ພາຍ​ເຮືອ​ເຂົ້າ​ມາ, ສອງ​ຜົວ​ເມຍ​ໄດ້​ຂຶ້ນ​ເຮືອ. ແຕ່​ນ້ຳ​ແຮງ​ໂພດ, ເຮືອ​ນ້ອຍ​ຈຳ​ເປັນ​ຕ້ອງ​ລອຍ​ໄປ​ຕາມ​ກະ​ແສ​ນ້ຳ. ລອຍໄປ​ໄດ້ໄລ​ຍະ​ໜຶ່ງ​, ພໍ່​ຕູ້​ໄດ້​ດຶງ​ເມຍ​ປີນ​ຂຶ້ນຫຼັກ​ເສົາ​ໄຟ​ຟ້າ. ​ລໍ​ຖ້າ​ເປັນ​ເວ​ລາໜຶ່ງ​ມື້​, ເຈົ້າ​ໜ້າ​ທີ່​ຊ່ວຍ​ເຫຼືອ​ໄດ້​ມາ​ຊ່ວຍ​ເຫຼືອ​ພໍ່​ຕູ້​ກັບ​ເມຍ ແລະ ສົ່ງ​ພວກ​ຕົນມາ​ຮອດ​ສູນ​ບັນ​ເທົາ​ທຸກ. ພໍ່​ຕູ້​ສິດ​ກ່າວ​ວ່າ, ເຮືອນ​ພັ​ງ​ແລ້ວ, ເຄື່ອງ​ຂອງ​ໃນ​ເຮືອນ​ກໍ​ບໍ່​ມີ​ແລ້ວ. ສິ່ງ​ທີ່​ພໍ່​ຕູ້​ຄິດ​ຢາກ​ໄດ້ທີ່​ສຸດ​ກໍ​ແມ່ນ​ສາ​ມາດ​ກັບ​ບ້ານ​ໂດຍ​ໄວ ແລະ ເລີ່ມ​ສ້າງ​ບ້ານ​ແປງ​ເຮືອນ​ຄືນ​ໃໝ່ຫຼັງ​ໄພ​ພິ​ບັດ.

ຄຳ​ເຫັນ

0