ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນວັນທີ 3 ຕຸລາປີ 2013, ທ່ານສີຈິ້ນຜີງ ປະທານປະເທດຈີນໄດ້ສະເໜີຂໍ້ລິເລີ່ມຮ່ວມກັນສ້າງເສັ້ນທາງສາຍໄໝທາງທະເລໃນສະຕະວັດທີ21, ໃນເດືອນກັນຍາປີດຽວກັນ ທ່ານສີຈິ້ນຜີງໄດ້ສະເໜີຂໍ້ລິເລີ່ມຮ່ວມກັນສ້າງແລວເສດຖະກິດຕາມເສັ້ນທາງສາຍໄໝອີກ. ຫວ່າງມໍ່ໆມານີ້ ຜູ້ຮັບຜິດຊອບອົງການຈັດຕັ້ງສາກົນ ພ້ອມກັບບຸກຄົນການເມືອງແລະຜູ້ຊ່ຽວຊານຂອງຫຼາຍປະເທດລ້ວນແຕ່ກ່າວວ່າ, ຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ສອດຄ່ອງກັບຄວາມປາຖະໜາຮ່ວມຂອງບັນດາປະເທດຕໍ່ການພັດທະນາ, ໃນ5ປີຜ່ານມາ,ໄດ້ກາຍເປັນແທ່ນໃໝ່ແຫ່ງການຄົ້ນຄວ້າຮູບແບບບໍລິຫານທົ່ວໂລກ.
ທ່ານກູເຕເຣັສ ເລຂາທິການໃຫຍ່ອົງການສະຫະປະຊາຊາດກ່າວວ່າ, ຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ບໍ່ພຽງແຕ່ກ່ຽວພັນເຖິງການຮ່ວມມືເສດຖະກິດ, ທັງເປັນຊ່ອງທາງທີ່ຜ່ານການຮ່ວມມືເສດຖະກິດປັບປຸງຮູບການພັດທະນາເສດຖະກິດໂລກ, ເຮັດໃຫ້ຂະບວນການໂລກາພິວັດປອດໄສກວ່າເກົ່າ ຈິ່ງໄດ້ຊຸກຍູ້ການບໍລິຫານປະເທດ ກໍຄືທົ່ວໂລກ.
ທ່ານໄລຢັກທີ່ຫາກໍ່ໝົດວາລະຕຳແໜ່ງປະທານສະມັດຊາໃຫຍ່ອົງການສະຫະປະຊາຊາດສະໄໝທີ72ໄດ້ກ່າວວ່າ, ຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ສອດຄ່ອງກັບຈິດໃຈແລະຄຸນຄ່າຂອງລັດທິຫຼາຍຝ່າຍ.
ທ່ານມາຕີນ ຢັກເຄິສ ນັກຄົ້ນຄວ້າຊັ້ນສູງຂອງສະຖາບັນການເມືອງແລະການພົວພັນສາກົນຂອງມະຫາວິທະຍາໄລແຄມບຣີຈອັງກິດກ່າວວ່າ, ຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ແລະໂຄງການທີ່ກ່ຽວຂ້ອງ, ເປັນຕົວຢ່າງທີ່ດີທີ່ສະແດງໃຫ້ເຫັນວ່າ:ຈີນສ້າງການພົວພັນສາກົນໃໝ່, ຈີນພວມໃຊ້ວິທີພິເສດຂອງຕົນ, ພະຍາຍາມຊຸກຍູ້ໃຫ້ແກ້ໄຂບັນຫາທີ່ເກີດຂຶ້ນໃນຂະບວນການໂລກາພິວັດ, ການບໍລິຫານທົ່ວໂລກແລະອື່ນໆໃນຂົງເຂດຫຼາຍຝ່າຍ.
ທ່ານໂຈເຊ ໂຣບາອິນາ ຊ່ຽວຊານສູນຄົ້ນຄວ້າການເມືອງສາກົນກູບາກ່າວວ່າ, ຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ໄດ້ຈັດເອົາການຮ່ວມມືຈີນແລະອາຟຼີກາເຂົ້າໃນຂະບວນການນີ້. ຈີນໄດ້ສະໜັບສະໜູນການພັດທະນາເສດຖະກິດສັງຄົມປະເທດອາຟຼີກາດ້ວຍຄວາມອະນຸໂລມ,ຕິດແທດຕົວຈິງ,ເດັດດ່ຽວໜຽວແໜ້ນ,ຍືນຍົງແລະເປັນລະບົບ, ນີ້ແມ່ນການພົວພັນສາກົນແບບໃໝ່ແລະຮູບການບໍລິຫານທົ່ວໂລກທີ່ຕ່າງກັບລັດທິເຈົ້າອຳນາດແລະການເມືອງມະຫາອຳນາດ.
ຄຳເຫັນ
0