ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ສົມຄິດ ຈາຕຸສີພິທັກ ຮອງນາຍົກລັດຖະມົນຕີໄທກ່າວໃນເວລາປາຖະກະຖາໃນເວທີປຶກສາຫາລືການຄ້າແລະການລົງທຶນທີ່ຈັດຂຶ້ນໃນເວລາດຽວກັນກັບເວທີປຶກສາຫາລືສາກົນຮົງຊຽວໃນຕອນບ່າຍວັນທີ 5 ພະຈິກນີ້ວ່າ: ສະຖານະການການຄ້າສາກົນທີ່ນັບມື້ນັບປ່ຽນແປງໃນປັດຈຸບັນ ເຮັດໃຫ້ການລົງທຶນສາກົນຜະເຊີນກັບປັດໄຈບໍ່ແນ່ນອນຢ່າງຫຼວງຫຼາຍ, ເຊິ່ງອາດຈະເຮັດໃຫ້ຜູ້ລົງທຶນເສຍຄວາມໝັ້ນໃຈ. ໃນເງື່ອນໄຂທີ່ເສດຖະກິດໂລກຜະເຊີນໜ້າກັບສິ່ງທ້າທາຍ, ຈີນໄດ້ເດັດດ່ຽວຊຸກຍູ້ເສດຖະກິດໂລກໃຫ້ພັດທະນາຢ່າງໝັ້ນທ່ຽງ, ໄດ້ເພີ່ມພະລັງແຮງເຂົ້າໃນການພັດທະນາຢູ່ອາຊີໃຫ້ຈະເລີນຂຶ້ນຢ່າງຕໍ່ເນື່ອງ ລວມທັງການຊຸກຍູ້ການພັດທະນາໂຄງການ “ໜຶ່ງແລວໜຶ່ງເສັ້ນທາງ”. ໃນເວລາທີ່ທົ່ວໂລກຜະເຊີນກັບສິ່ງທ້າທາຍຢ່າງຫຼວງຫຼາຍ, ການຮ່ວມມືລະຫວ່າງບັນດາປະເທດກໍຍິ່ງສຳຄັນ, ການເຊື່ອມຈອດກັນລະຫວ່າງພາກພື້ນ ໄດ້ກາຍເປັນຊ່ອງທາງທີ່ສຳຄັນທີ່ສຸດໃນການຮ່ວມມືກັບພາຍນອກ.
ຄຳເຫັນ
0