ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດແຈ້ງໃຫ້ຮູ້ໃນວັນທີ 5 ພະຈິກຜ່ານມາວ່າ: “ລະບົບພາສີດ່ານບູລິມະສິດສັນຍາການຄ້າເສລີຈີນ-ອາຊຽນ” ໄດ້ເປີດບໍລິການຢູ່ເວັບໄຊປະຕູດຽວດ້ານການຄ້າສາກົນມາເລເຊຍ.
ລະບົບດັ່ງກ່າວ ຈະໃຫ້ບໍລິການຊອກຄົ້ນຂໍ້ມູນແລະການແກ້ໄຂກ່ຽວກັບພາສີດ່ານບູລິມະສິດຂອງສັນຍາການຄ້າເສລີຈີນ-ອາຊຽນໃຫ້ແກ່ວິສາຫະກິດການຄ້າກັບພາຍນອກຂອງຈີນແລະມາເຊເຊຍ ລວມທັງການຊອກຄົ້ນຂໍ້ມູນອັດຕາພາສີດ່ານ, ຊອກຄົ້ນກົດລະບຽບຂອງແຫຼ່ງຜະລິດ, ຊອກຄົ້ນກົດລະບຽບຂອງພາສີສິນຄ້າ, ຊອກຄົ້ນຄວາມຮຽກຮ້ອງຕ້ອງການດ້ານການກວດກາແລະກັກກັນພະຍາດ, ຊອກຄົ້ນໃບຢັ້ງຢືນການຕິດຕາມກວດກາການຄ້າ ແລະອື່ນໆ, ແລ້ວຊ່ວຍໃຫ້ວິສາຫະກິດປະຢັດຕົ້ນທຶນໃນດ້ານພາສີດ່ານຢ່າງຖືກຕ້ອງຕາມກົດໝາຍແລະຂໍ້ກຳນົດ ແລະໄດ້ຮັບຜົນປະໂຫຍດຈາກສັນຍາການຄ້າເສລີ.
“ລະບົບພາສີດ່ານບູລິມະສິດສັນຍາການຄ້າເສລີຈີນ-ອາຊຽນ” ແມ່ນໝາກຜົນຕົວຈິງທີ່ສຳຄັນແຫ່ງການຮ່ວມມືທາງເສດຖະກິດການຄ້າລະຫວ່າງຈີນກັບມາເລເຊຍ, ທັງແມ່ນໂຄງການທົດລອງໂຄງການທຳອິດຂອງເວັບໄຊດ່ານເອເລັກໂຕຣນິກໂຕແບບໃນອາຊີປາຊີຟິກທີ່ຖືກພັດທະນາຢູ່ຕ່າງປະເທດ.
ຄຳເຫັນ
0