ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
(ງານວາງສະແດງສິນຄ້ານຳເຂົ້າສາກົນຈີນສະແດງໃຫ້ເຫັນເຖິງຜົນດີ 3 ດ້ານ ເພື່ອໃຫ້ທົ່ວໂລກໄດ້ຮັບຜົນປະໂຫຍດເປັນເວລາຍາວນານ)
ຕາມບົດວິຈານຂອງນັກຂ່າວ CRI: ວັນທີ 10 ພະຈິກນີ້ ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດທີ່ໄຂຂຶ້ນຢູ່ນະຄອນຊຽງໄຮ ສປ ຈີນໄດ້ອັດລົງ. ພາຍໃນເວລາ 6 ມື້ 172 ປະເທດ ເຂດແຄວ້ນແລະອົງການຈັດຕັ້ງສາກົນ, ພ້ອມທັງ ວິສາຫະກິດ 3600 ກວ່າແຫ່ງມີສ່ວນຮ່ວມໃນງານດັ່ງກ່າວ, ນັກທຸລະກິດຫຼາຍກວ່າ 4 ແສນກວ່າຄົນທັງພາຍໃນປະເທດຈີນແລະຕ່າງປະເທດໄດ້ພົບປະສັງສັນແລະເຈລະຈາກັນກ່ຽວກັບການຮ່ວມມືດ້ານທຸລະກິດ, ແລະໄດ້ບັນລຸມູນຄ່າການຄ້າດ້ານຫຼັກການເຖິງ 57 ຕື້ 830 ລ້ານໂດລາສະຫະຣັດ, ເຊິ່ງຜົນທີ່ໄດ້ຮັບດັ່ງກ່າວແມ່ນເຫັນໜ້ອຍທີ່ສຸດໃນປະຫວັດສາດການຄ້າສາກົນ, ດັ່ງທີ່ນັກທຸລະກິດປະເທດຕ່າງໆທີ່ໄປຮ່ວມງານນັ້ນໄດ້ກ່າວໄວ້ວ່າ: ບໍ່ຢາກເລີກລາກັນ, ປີໜ້າຍັງຕ້ອງມາພົບກັນອີກ…
ງານວາງສະແດງສິນຄ້ານຳເຂົ້າສາກົນຈີນແມ່ນສະເໜີອອກໂດຍທ່ານສີຈິ້ນຜິງ ປະທານປະເທດຈີນໃນໂອກາດຈັດກອງປະຊຸມເວທີປຶກສາຫາລືລະດັບສູງກ່ຽວກັບການຮ່ວມມືສາກົນພາຍໃຕ້ຂອບ ໜຶ່ງແລວໜຶ່ງເສັ້ນທາງ, ຖືເປັນການຕັດສິນຄັ້ງທຳອິດທີ່ສຸດຂອງຈີນເພື່ອສຸມໃສ່ການຊຸກຍູ້ການປະຕິຮູບແລະເປີດປະຕູສູ່ພາຍນອກທີ່ມີລະດັບສູງຮອບໃໝ່, ທັງແມ່ນມາດຕະການສຳຄັນຂອງຈີນໃນດ້ານເປັນເຈົ້າການເປີດຕະຫຼາດສູ່ໂລກ. ໝາກຜົນຂອງງານຄັ້ງທຳອິດໄດ້ຢືນຢັນຢ່າງເຕັມສ່ວນເຖິງການຕັດສິນຂອງທ່ານປະທານສີຈິ້ນຜິງ ນັ້ນກໍ່ຄື: ເສດຖະກິດໂລກາພິວັດແມ່ນທ່າອຽງທີ່ຕ້ອງເປັນໄປແຫ່ງປະຫວັດສາດ ໂດຍຈະຕ່າວຄືນມາບໍ່ໄດ້, ການເປີດປະຕູແລະຮ່ວມມືກັນແລະພະລັງແຮງທີ່ສຳຄັນໃນການເຮັດໃຫ້ເສດຖະກິດການຄ້າສາກົນມີຊີວິດຊີວາຂຶ້ນຕື່ມ. ເຊິ່ງງານຄັ້ງນີ້ໄດ້ສະແດງໃຫ້ເຫັນເຖິງຜົນດີ 3 ດ້ານ ເພື່ອໃຫ້ທົ່ວໂລກໄດ້ຮັບຜົນປະໂຫຍດເປັນເວລາຍາວນານຄື:
ກ່ອນອື່ນ ງານວາງສະແດງສິນຄ້ານຳເຂົ້າຊຸກຍູ້ການເປີດປະຕູສູ່ພາຍນອກ,ສົ່ງເສີມການຄ້າເສລີແລະການເຕີບໂຕທາງເສດກຖະກິດຂອງໂລກ. ພາຍໃຕ້ເບື້ອງຫຼັງທີ່ຄັດຄ້ານໂລກາພິວັດແລະລັດທິປົກປ້ອງການຄ້າຮຸນແຮງຂຶ້ນໃນປັດຈຸບັນ, ອົງການກອງທຶນເງິນຕາສາກົນ IMF ໄດ້ປັບຄາດໝາຍເຕີບໂຕເສດຖະກິດທົ່ວໂລກຂອງປີນີ້ແລະປີໜ້າຈາກ 3,9% ທີ່ຄາດໄວ້ໃນເດືອນເມສາປີນີ້ ໃຫ້ລົງເຖິງ 3,7% ໃນປັດຈຸບັນ. ສະນັ້ນ ທົ່ວໂລກມີຄວາມເປັນຫ່ວງຢ່າງຍິ່ງ, ແລະຄອງຄອຍມີໂອກາດໃໝ່ເພື່ອຊຸກຍູ້ການຄ້າເສລີ, ແລະເພີ່ມພະລັງແຮງເຂົ້າໃນເສດຖະກິດທີ່ອ່ອນເພຍ.
ໃຕ້ກາລະໂອກາດທີ່ສຳຄັນດັ່ງກ່າວ, ງານວາງສະແດງສິນຄ້ານຳເຂົ້າສາກົນຈີນຕັ້ງທຳອິດທີ່ມີຫົວຂໍ້ຫຼັກວ່າ: ຍຸກສະໄໝໃໝ່ ຊົມໃຊ້ອະນາຄົດຮ່ວມກົນ ໄດ້ໄຂຂຶ້ນ, ອັນໄດ້ສອດຄ່ອງກັບຄວາມຕ້ອງການດ້ານການພັດທະນາຂອງປະເທດຕ່າງໆ, ກາຍເປັນເວທີໃໝ່ແຫ່ງການເປີດປະຕູແລະຮ່ວມມືກັນ.
ຂໍ້ທີ 2, ງານວາງສະແດງຄັ້ງນີ້ໄດ້ເຕົ້າໂຮມຄວາມເປັນເອກະພາບກັນຫຼາຍຢ່າງ, ຊຸກຍູ້ໃຫ້ທົ່ວໂລກກ້າວເດີນໄປຕາມທິດດຽວກ່ຽວກັບການແກ້ໄຂບັນຫາເສດຖະກິດການຄ້າທີ່ສຳຄັນຕ່າງໆ. ເມື່ອທຽບກັບງານວາງສະແດງສິນຄ້ານຳເຂົ້າອື່ນໆໃນໂລກແລ້ວເຫັນວ່າ, ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດມີຈຸດເດັ່ນອັນໜຶ່ງຄື: ງານນີ້ບໍ່ພຽງແຕ່ແມ່ນງານວາງສະແດງສິນຄ້າທໍ່ນັ້ນ, ຍັງໄດ້ດຳເນີນການຫາລືກັນກ່ຽວກັບບັນຫາເສດຖະກິດການຄ້າທີ່ສຳຄັນຂອງໂລກໃນປະຈຸບັນ.
ຍິ່ງສຳຄັນນັ້ນແມ່ນ, ງານວາງສະແດງຄັ້ງນີ້ໄດ້ສະແດງໃຫ້ເຫັນແນວຄິດທີ່ ປຶກສາຫາລືຮ່ວມກັນ, ສ້າງສາຮ່ວມກັນແລະຊົມໃຊ້ຮ່ວມກັນ, ໄດ້ກາຍເປັນພຶດຕິກຳຕົວຈິງອັນໜຶ່ງໃນການສ້າງປະຊາຄົມຮ່ວມຊາຕາກຳຂອງທົ່ວມະນຸດ. ສະນັ້ນ ທ່ານໂຣເບີດ ອາເຊີວິໂດ ຜູ້ອຳນວຍການໃຫຍ່ອົງການການຄ້າໂລກ WTO ຈິ່ງໄດ້ຕີລາຄາວ່າ: ນີ້ຄືງານມະຫະກຳທີ່ເຮັດໃຫ້ບັນດາປະເທດທີ່ພວມພັດທະນາໄດ້ຮັບຜົນປະໂຫຍດ, ທັງເຮັດໃຫ້ປະເທດທີ່ພັດທະນາແລ້ວໄດ້ກຳໄລເຊັ່ນກັນ.
ອີງຕາມແຜນການ, ງານວາງສະແດງສິນຄ້ານຳເຂົ້າສາກົນຂອງຈີນຈະຈັດຂຶ້ນທຸກປີຕໍ່ໄປ. ປັດຈຸບັນ ໄດ້ມີວິສາຫະກິດ 200 ກວ່າແຫ່ງເຊັນສັນຍາໄວ້ເພື່ອເຂົ້າຮ່ວມງານຄັ້ງທີ 2. ນີ້ກໍ່ສະແດງໃຫ້ເຫັນວ່າ: ງານວາງສະແດງສິນຄ້ານຳເຂົ້າສາກົນຂອງຈີນໄດ້ກາຍເປັນຜະລິດຕະພັນສາທາລະນະໃນສາກົນທີ່ສະເໜີໂດຍຈີນເພື່ອຊຸກຍູ້ເສດຖະກິດໂລກາພິວັດ, ທັງໄດ້ຮັບຄວມຢືນຢັນແລະຮອງຮັບຈາກທົ່ວໂລກ. ຕໍ່ໄປເມືອໜ້າ, ເພື່ອເປີດປະຕູສູ່ພາຍນອກຕື່ມອີກ ແລະໃຫ້ປະເທດຕ່າງໆພັດທະນາໄປພ້ອມກັບຈີນ, ຈີນຍັງຈະທຳຄວມພະຍາຍາມສຸດຂີດໃນ 5ດ້ານຄື: ບຸກລະດົມການນຳເຂົ້າສິນຄ້າ, ສືບຕໍ່ປ່ອນຄາຍມາດຖານອະນຸມັດເຂົາຕະຫຼາດ, ສ້າງສະພາບແວດລ້ອມທຸລະກິດສາກົນທີ່ຍອດຢ້ຽມ, ສ້າງຂົງເຂດໃໝ່ຂອງການເປີດປະຕູສູ່ພາຍນອກ, ຊຸກຍູ້ການຮ່ວມມືຫຼາຍຝ່າຍແລະສອງຝ່າຍພັດທະນາລົງສູ່ລວງເລິກ; ໃນ 15 ປີຕໍ່ໜ້ານີ້, ຄາດວ່າ ຈີນຈະນຳເຂົ້າສິນຄ້າຈາກຕ່າງປະເທດເຖິງ 30000 ຕື້ໂດລາສະຫະຣັດ ແລະນຳເຂົ້າການບໍລິການຈຳນວນ 10000 ຕື້ໂດລາສະຫະຣັດ. ເຊິ່ງນີ້ໄດ້ສົມກັບການຕີລາຄາຂອງທ່ານນາງຄລິສຕຽນ ລາກາເດ ຜູ້ອຳນວຍການໃຫຍ່ອົງການກອງທຶນເງິນຕາສາກົນ IMF ຄື: ຈີນກຳລັງສ້າງຂົວທີ່ເດີນໄປສູ່ໂລກ, ກຳລັງສ້າງຂົວທີ່ເດີນໄປສູ່ຄວາມຈະເລີນຮຸ່ງເຮືອງ ແລະກຳລັງສ້າງຂົວທີ່ເດີນໄປສູ່ອະນາຄົດ.
ຄຳເຫັນ
0