ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ເຂດປົກຄອງຕົນເອງເຜົ່າຈ້ວງກວາງຊີ ເຊິ່ງເປັນເຂດ,ແຂວງທີ່ມີປະຊາກອນຊົນເຜົ່າສ່ວນໜ້ອຍຫຼາຍກວ່າໝູ່ຂອງຈີນໄດ້ຈັດພິທີສະເຫຼີມສະຫຼອງການສ້າງຕັ້ງເຂດປົກຄອງຕົນເອງຄົບຮອບ 60 ປີຢ່າງຍິ່ງໃຫຍ່. ທ່ານວາງຢາງ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ນຳພາຄະນະຜູ້ແທນສູນກາງເຂົ້າຮ່ວມພິທີແລະກ່າວປາໄສ.
ກວາງຊີເປັນເຂດ,ແຂວງທີ່ມີປະຊາກອນຊົນເຜົ່າສ່ວນໜ້ອຍຫຼາຍກວ່າໝູ່ຂອງຈີນ. ຢູ່ກວາງຊີມີ 11 ຊົນເຜົ່າສ່ວນໜ້ອຍເຊັ່ນເຜົ່າຈ້ວງ,ເຜົ່າຢ້າວ,ເຜົ່າມົ້ງດຳລົງຊີວິດມາແຕ່ບູຮານນະການ. ສະຖິຕິສະແດງໃຫ້ເຫັນວ່າ:ປີ 2017ຜ່ານມາ, ລວມຍອດປະລິມານເສດຖະກິດຂອງເຂດປົກຄອງຕົນເອງເຜົ່າຈ້ວງກວາງຊີໄດ້ບັນລຸເຖິງ 2000 ຕື້ຢວນ, ເທົ່າກັບ 832 ເທົ່າຂອງຕອນທີ່ເຂດປົກຄອງຕົນເອງຫາກໍ່ສ້າງຕັ້ງຂຶ້ນໃໝ່, ປະຊາກອນຜູ້ທຸກຍາກໄດ້ຫຼຸດລົງຈາກ 21 ລ້ານຄົນເມື່ອປີ 1978 ເຫຼືອພຽງ 2,67 ລ້ານຄົນ, ອັດຕາສ່ວນຄວາມທຸກຍາກໄດ້ຫຼຸດຈາກ 70% ເຫຼືອພຽງ 5,7% ເທົ່ານັ້ນ, ໃນໄລຍະ 5 ປີຜ່ານມາ, ສະເລ່ຍແລ້ວ,ປະຊາກອນຜູ້ທຸກຍາກໄດ້ຫຼຸດລົງ 1,17 ລ້ານຄົນຕໍ່ປີ.
ທ່ານວາງຢາງກ່າວປາໄສໃນພິທີສະເຫຼີມສະຫຼອງໂດຍຊີ້ໃຫ້ເຫັນວ່າ: ຜົນສຳເລັດອັນສະຫງ່າລາສີຂອງເຂດປົກຄອງຕົນເອງເຜົ່າຈ້ວງກວາງຊີໄດ້ສ່ອງແສງໃຫ້ເຫັນຢ່າງເຕັມສ່ວນເຖິງຄວາມດີເລີດແລະຍິ່ງໃຫຍ່ຂອງລະບອບສັງຄົມນິຍົມທີ່ມີສີສັນພິເສດຂອງຈີນ ທັງໄດ້ສະແດງໃຫ້ເຫັນເຖິງພະລັງຊີວິດທີ່ເຂັ້ມແຂງພາຍໃຕ້ລະບຽບການເຂດຊົນເຜົ່າປົກຄອງຕົນເອງ. ລະບຽບການເຂດຊົນເຜົ່າປົກຄອງຕົນເອງໃນຖານະເປັນລະບຽບການທາງການເມືອງພື້ນຖານຕ້ອງໄດ້ຮັບການຈັດຕັ້ງປະຕິບັດຢ່າງໝັ້ນໜຽວບໍ່ປ່ຽນແປງ.
ຄຳເຫັນ
0