ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 10 ທັນວານີ້, ທ່ານ ວາງຢາງ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາປຶກສາການເມືອງປະຊາຊົນແຫ່ງຊາດຈີນ, ຫົວໜ້າຄະນະຜູ້ແທນສູນກາງ ໄດ້ນຳພາຄະນະຜູ້ແທນເດີນທາງໄປເຖິງສຳນັກງານແຜນການກວາງຊີ ເພື່ອເຂົ້າຊົມ “ງານວາງສະແດງຜົນງານຂອງເຂດປົກຄອງຕົນເອງເຜົ່າຈ້ວງກວາງຊີໃນໂອກາດສ້າງຕັ້ງຂຶ້ນຄົບຮອບ 60 ປີພາຍໃຕ້ຫົວຂໍ້: ສ້າງສາເຂດກວາງຊີທີ່ສະຫງ່າງາມ, ຮ່ວມກັນບັນລຸຄວາມໄຝ່ຝັນສ້າງສາຄວາມຈະເລີນຮຸ່ງເຮືອງຄືນໃໝ່”.
ງານວາງສະແດງດັ່ງກ່າວປະກອບມີ 5 ພາກຄື: ຄວາມເອົາໃຈໃສ່, ສະພາບໂດຍຫຍໍ້, ຂະບວນວິວັດ, ຜົນງານ ແລະ ຈ້ອງເບິ່ງອະນາຄົດ, ໂດຍໄດ້ວາງສະແດງໃນຫຼາຍແງ່ມູມທີ່ສະທ້ອນເຖິງຄວາມເອົາໃຈໃສ່ຂອງສູນກາງພັກທີ່ມີສະຫາຍ ສີຈິ້ນຜິງ ເປັນແກນກາງທີ່ມີຕໍ່ພະນັກງານແລະປະຊາຊົນບັນດາເຜົ່າໃນເຂດກວາງຊີ, ສ່ອງແສງໃຫ້ເຫັນເຖິງລັກສະນະດີເລີດຂອງນະໂຍບາຍຊົນເຜົ່າແລະລະບອບປົກຄອງຕົນເອງຂອງຊົນເຜົ່າຂອງພັກຢ່າງມີຊີວິດຊີວາ, ສະແດງໃຫ້ເຫັນເຖິງຜົນງານອັນສະຫງ່າລາສີທີ່ເຂດປົກຄອງຕົນເອງໄດ້ຮັບໃນດ້ານເສດຖະກິດ, ການເມືອງ ແລະວັດທະນະທຳເປັນຕົ້ນໃນເວລາ 60 ປີມານີ້ ໂດຍສະເພາະນັບແຕ່ດຳເນີນການປະຕິຮູບແລະເປີດປະຕູສູ່ພາຍນອກເປັນຕົ້ນມາແບບໂຮມສູນ, ສ່ອງແສງໃຫ້ເຫັນເຖິງພຶດຕິກຳອັນຍິ່ງໃຫຍ່ທີ່ຮ່ວມສຸກຮ່ວມທຸກ, ເປັນຈິດໜຶ່ງໃຈດຽວກັນ, ຊ່ວຍເຫຼືອເຊິ່ງກັນແລະກັນ ແລະ ສາມັກຄີສູ້ຊົນຜ່ານຜ່າຂອງປະຊາຊົນບັນດາເຜົ່າໃນເຂດກວາງຊີຢ່າງຮອບດ້ານ.
ຄຳເຫັນ
0