赵晓虹

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ທ່ານ​ສີ​ຈິ້ນ​ຜິງ: ຈີນ​ຕ້ອງ​ຍຶດ​ໝັ້ນ​ເປີດກວ້າງ​ການ​ເປີດ​ປະ​ຕູ​ສູ່​ພາຍນອກ

2018-12-18 13:49:20 cri

 

ວັນ​ທີ 18 ທັນ​ວານີ້ ທ່ານ​ສີຈິ້ນ​ຜິງ ກ່າວ​ວ່າ: ການ​ພັດ​ທະ​ນາ​ຂອງ​ຈີນ​ແຍກ​ອອກ​ຈາກ​ໂລກ​ບໍ່​ໄດ້, ຄວາມ​ຈະ​ເລີນ​ຮຸ່ງ​ເຮືອງ​ຂອງ​ໂລກ​ກໍ່​ຕ້ອງ​ການ​ຈີນ​ເຊັ່ນ​ກັນ. ຈີນ​ຕ້ອງ​ຍຶດ​ໝັ້ນການ​ເປີດກວ້າງ​ການ​ເປີດ​ປະ​ຕູ​ສູ່​ພາຍນອກ, ຊຸກ​ຍູ້​ການ​ຮ່ວມ​ກັນ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງ​ທົ່ວ​ມວນ​ມະ​ນຸດ​. ທ່ານ​ກ່າວ​ຕື່ມ​ວ່າ: ຈີນ​ຈະ​ຊຸກ​ຍູ້​ການ​ສ້າງ​ການ​ພົ​ວ​ພັນ​ສາ​ກົນ​ແບບ​ໃໝ່​ທີ່​ຕ່າງ​ເຄົາ​ລົບ​ກັນ, ມີ​ຄວາມ​ຍຸດ​ຕິ​ທຳ, ເປັນ​ທຳ ແລະ ຮ່ວມ​ມື​​ແບບ​ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ​ໂຫຍດ​ນຳ​ກັນ; ຈີນ​ເຄົາ​ລົບ​ສິດ​ຂອງ​ປະ​ຊາ​ຊົນ​ປະ​ເທດ​ຕ່າງໆ​ໃນ​ການ​ເລືອກ​ເສັ້ນ​ທາງ​ພັດ​ທະ​ນາ​ດ້ວຍ​ຕົນ​ເອງ, ຄັດ​ຄ້ານ​ການບັງ​ຄັບ​ຄົນ​ອື່ນ​ຮັບ​ເອົາ​ຄຳ​ເຫັນ​ຂອງ​ຕົນ​ເອງ, ຄັດ​ຄ້ານ​ການ​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​​ອື່ນ, ຄັດ​ຄ້ານ​ປະ​ເທດ​ເຂັ້ມ​ແຂງຂົ່ມ​ເຫັງປະ​ເທດ​ນ້ອຍ; ຈີນ​ຈະ​ເສີມ​ຂະ​ຫຍາຍ​ບົດ​ບາດ​ທີ່​​ເປັນ​ປະ​ເທດ​ໃຫຍ່​ທີ່ມີ​ຄວາມ​ຮັບ​ຜິດ​ຊອບ, ສະ​ໜັບ​ສະ​ໜູນ​ການ​ພັດ​ທະ​ນາ​ຂອງ​ບັນ​ດາ​ປະ​ເທດ​ທີ່​ພວມ​ພັດ​ທະ​ນາ, ຕັ້ງ​​ໜ້າ​ເຂົ້າ​ຮ່ວມ​ການ​ປະ​ຕິ​ຮູບ​ແລະ​ການ​ສ້າງລະ​ບົບການ​ຄຸ້ມ​ຄອງ​ທົ່ວ​ໂລກ; ຈີນ​ສະ​ໜັບ​ສະ​ໜູນ​ລະ​ບົບການ​ຄ້າ​ຫຼາຍ​ຝ່າຍ, ຊຸກ​ຍູ້​ການ​ຄ້າ​ການ​ລົງ​ທຶນເສ​ລີ​ແລະ​ມີ​ຄວາມ​ສະ​ດວກກວ່າ​ເກົ່າ; ຈະ​ຖື​​ເອົາການ​ສ້າງ“ໜຶ່ງ​ແລວ​ໜຶ່ງ​ເສັ້ນ​ທາງ​” ເປັນ​ຈຸດ​ສຸມ, ຮ່ວມ​ກັບ​ຝ່າຍ​ຕ່າງໆ​ສ້າງ​ເວ​ທີ​ໃໝ່​ແຫ່ງ​ການ​ຮ່ວມ​ມື​ສາ​ກົນ.

ທ່ານ​ສີ​ຈິ້ນ​ຜິງ​ເນັ້ນ​ໜັກ​ວ່າ​ເ ຈີນ​ເດັດ​ຂາດ​ຈະ​ບໍ່​​ສະ​ຫວງ​ຫາ​ການ​ພັດ​ທະ​ນາ​ຕົນ​ເອງ​ດ້ວຍ​ການ​ສ້າງ​ຜົນ​ເສຍ​ຫາຍ​ຕໍ່​ຜົນ​ປະ​ໂຫຍດ​ຂອງ​ປະ​ເທດ​ອື່ນ, ແລະ​ເດັດ​ຂາດ​ບໍ່​ປ່ອຍປະ​ລະເລີຍ​ສິດ​ທິ​ຜົນ​ປະ​ໂຫຍດ​​ທີ່​ຖືກ​ຕ້ອງ​ຕາມ​ກົດ​ໝາຍ​ຂອງ​ຕົນ. ຈີນ​ປະ​ຕິ​ບັດ​ນະ​ໂຍ​ບາຍ​ປ້ອງ​ກັນ​ປະ​ເທດ​ແບບ​ປ້ອງ​ກັນຕົນ​ເອງ, ການ​ພັດ​ທະ​ນາ​ຂອງ​ຈີນ​ຈະ​ບໍ່​ເປັນ​​ໄພ​ຂົ່​ມ​ຂູ່​​ຕໍ່​ປະ​ເທດ​ໃດ. ​ຈີນ​ຈະ​ບໍ່​ເປັນ​ເຈົ້າ​ໂລກ​ເຖິງວ່າ​ຕົນ​ເອງ​ຈະ​ພັດ​ທະ​ນາ​ໄປ​ເຖິງ​ຈຸດ​ໃຫ​ກໍ່​ຕາມ.

ຄຳ​ເຫັນ

0