黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ຈີນ​ຈະ​ຫ້າມ​ບໍ່​ອະນຸຍາດໃຫ້​ເກີດຄວາມ​ຜິດພາດ​ທີ່​ນຳ​ໄປ​ສູ່​ການຫຼົ້ມ​ໂຈມ​ຢ່າງເດັດຂາດ

2018-12-18 14:56:20 CRI

ທ່ານ​ສີ​ຈິ້ນ​ຜິ​ງ ກ່າວ​ໃນ​ວັນ​ທີ 18 ທັນວາ​ນີ້​ວ່າ: ​ໃນການ​ຊຸກຍູ້ການ​ປະຕິ​ຮູບ​​ແລະ​ເປີດ​ປະຕູ​ສູ່​ພາຍ​ນອກໃນ​ຍຸກ​ໃໝ່​ໃຫ້​ດຳ​ເນີນ​ໄປ​ຢ່າງ​ໝັ້ນທ່ຽງ​ກວ່າ​ເກົ່າ​ແລະດົນ​ນານກວ່າ​ເກົ່າ, ຈີນ​ຄວນ​​ແກ້​ໄຂ​ບັນຫາການ​ພົວພັນ​ລະຫວ່າງ​ການ​ປະຕິ​ຮູບ, ​ການ​ພັດທະນາ​ ​ແລະ ຄວາມ​ໝັ້ນທ່ຽງໃຫ້​ໄດ້​ຢ່າງ​ຖືກຕ້ອງ. ຈີນ​ເປັນ​ປະ​ເທດ​ໃຫຍ່, ຈະ​ບໍ່​ອະນຸຍາດໃຫ້​ເກີດ​ຄວາມ​ຜິດພາດໃນ​ບັນຫາ​ພືນ​ຖານ​ທີ່​ນຳ​ໄປ​ສູ່​ການຫຼົ້ມຈົມ​ຢ່າງ​ເດັດຂາດ; ຄວນ​ເສີມ​ສ້າງ​ແນວ​ຄິດ​ຍຸດ​ທະ​ສາດ, ​ແນວ​ຄິດສັດຈະ​ວິພາກ, ​ແນວ​ຄິດ​ປະດິດ​ສ້າງ​ໃໝ່, ​ແນວ​ຄິດ​ການ​ປົກຄອງ​ດ້ວຍ​ກົດໝາຍ​ ແລະ​ ແນວ​ຄິດບໍ່​ລ້ຳ​ເສັ້ນ, ​ເພີ່ມ​ທະວີ​ການຄົ້ນຄິດ​ທາງ​ມະຫາ​ພາກ​ແລະ​ການ​ອອກ​ແບບ​ໃນ​ລະດັບ​ສູງ​ສຸດ, ຍຶດໝັ້ນຖື​​ເອົາການແກ້​ໄຂ​ບັນຫາ​ເປັນທິດນຳ, ​ໂດຍ​ເລັງໃສ່​ຄວາມ​ຂັດ​ແຍ້​ງ​ແລະ​ບັນຫາທີ່​ພົ້ນ​ເດັ່ນ​ທີ່​ຈີນ​ຜະ​ເຊີນ​ໃນ​ການ​ພັດທະນາ, ລົງສຳຫຼວດ​ແລະຄົ້ນຄວ້າຢ່າງ​ເລິກ​ເຊິ່ງ​ເຖິງ​ຖອງ, ສົ່ງ​ເສີມ​ໃຫ້​ຂັ້ນຮາກ​ຖານ​ຄົ້ນຄວ້າ​ຢ່າງ​ກ້າຫານ, ຍຶດໝັ້ນການ​ເຊື່ອມຕໍ່​ລະຫວ່າງ​ການ​ຕັດສິນ​ນະ​ໂຍບາຍ​ການ​ປະຕິ​ຮູບ​ແລະ​ການ​ຕັດສິນ​ນະ​ໂຍບາຍ​ດ້ານ​​ນິຕິກຳ, ຍົກ​ລະດັບ​ການ​ຕັດສິນ​ນະ​ໂຍບາຍ​ດ້ານ​ການ​ປະຕິ​ຮູບ​ໃຫ້​ຖືກຕ້ອງ​ຕາມຫຼັກວິທະຍາສາດ​​ໃຫ້​ສູງ​ຂຶ້ນຢ່າງ​ບໍ່​ຢຸດ​ຢັ້ງ. ຂະນະ​ດຽວ​ກັນ, ທ່ານ​ສີ​ຈິ້ນ​ຜິ​ງ ຍັງ​ກ່າວ​ເນັ້ນວ່າ: ຄວນ​ຮັບປະກັນບັນດາມາດ​ຕະການ​ສຳຄັນ​ໃນການ​ປະຕິ​ຮູບ​ໃຫ້​ໄດ້​ຮັບ​ການຈັດຕັ້ງປະຕິບັດ​​ຢ່າງແທ້​ຈິງ, ທັງ​ກ້າ​​ເຮັດ​ກ່ອນໝູ່, ກ້າ​​ສູ້​ຊົນຜ່ານ​ຜ່າ​ກ້າ​ທົດ​ລອງ, ທັງ​ມີ​ຄວາມ​ຫ້າວຫັນ-ໜັກ​ແໜ້ນ ​ແລະ ​ເລັ່ງດ່ວນ-ໝັ້ນທ່ຽງ, ​ເຮັດ​ໃຫ້ການ​ປະຕິ​ຮູບ​,​ ການ​ພັດທະນາ​​ແລະ​ຄວາມ​ໝັ້ນຄົງເປັນ​ເອກະ​ພາບ​ກັນ, ຍຶດໝັ້ນບໍ່​ປ່ຽນ​ແປງ​ແນວ​ທາງ, ​ເສັ້ນທາງບໍ່​ອ່ຽງຊ້າຍ​ອ່ຽງຂວາ, ບໍ່​ເຮັດ​ໃຫ້ກຳລັງ​ແຮງ​ຫຼຸດໜ້ອຍ​ຖອຍ​ລົງ.

ຄຳ​ເຫັນ

0