覃海芳

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ໄປ​ສະ​ນີ​ຂອງ​ຈີນ​ໄດ້​ຮັບ​ການ​ພັດ​ທະ​ນາ​ແບບ​ບຸກ​ທະ​ລຸ​ໃນ​ໄລ​ຍະ​ດຳ​ເນີນ​ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ 40 ປີ​ຜ່ານ​ມາ

2019-01-04 10:56:05 cri

ກອງ​ປະ​ຊຸມ​ວຽກ​ງານ​ຄຸ້ມ​ຄອງໄປ​ສະ​ນີ​ທົ່ວ​ປະ​ເທດ​ຈີນ​ໄດ້​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ​ໃນ​ວັນ​ທີ 3 ມັງ​ກອນ​ນີ້ ໂດຍ​ເປີດ​ເຜີຍ​ວ່າ: ​ໃນ​ໄລ​ຍະ​ດຳ​ເນີນ​ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ​ເປັນ​ເວ​ລາ 40 ປີ​ຜ່ານ​ມາ, ວຽກ​ງານ​ ໄປ​ສະ​ນີ​ຂອງ​ຈີນ​ໄດ້​ຮັບ​ການ​ພັດ​ທະ​ນາ​ແບບກ້າວ​ກະ​ໂດດ​ຂຶ້ນ​ໂດຍ​ສະ​ເພາະ​ແມ່ນ​ທຸ​ລະ​ກິດ​ສົ່ງ​ດ່ວນ​ໄດ້​ພັດ​ທະ​ນາ​ຢ່າງວ່ອງ​ໄວ, ປະ​ລິ​ມານ​ສິນ​ຄ້າ​ສົ່ງ​ດ່ວນ​ຂອງ​ປີ​ນີ້​ຄາດ​ວ່າ​ຈະ​ບັນ​ລຸ​ເຖິງ 60 ຕື້​ອັນ.
 

​ຕາມສະ​ຖິ​ຕິ​ສະ​ແດງ​ໃຫ້​ເຫັນ​ວ່າ: ແຕ່​ປີ 2013 ເປັນ​ຕົ້ນ​ມາ, ທຸ​ລະ​ກິດ​ສົ່ງ​ດ່ວນ​ຂອງ​ຈີນ​ໄດ້​ຂະ​ຫຍາຍ​ຕົວ​ຢ່າງວ່ອງ​ໄວ. ປີ 2014, ປະ​ລິ​ມານ​ສິນ​ຄ້າ​ສົ່ງ​ດ່ວນ​ໄດ້​ລື່ນ​ກາຍ 10 ຕື້​ອັນ​ເປັນ​ຄັ້ງ​ທຳ​ອິດ ເຊິ່ງ​ລື່ນກາຍ​ອາ​ເມ​ຣິ​ກາ​​ແລະ​ສາ​ມາດ​ກ້າວ​ຂຶ້ນ​ຄອງ​ອັນ​ດັບ​ໜຶ່ງ​ຂອງ​ໂລກ. ປີ 2018 ຜ່ານ​ມາ, ປະ​ລິ​ມານ​ສິນ​ຄ້າ​ສົ່ງ​ດ່ວນ​ໄດ້​ລື່ນ​ກາຍ 50 ຕື້​ອັນ.
 

 ທ່ານ​ມ໋າ​ຈຸ່ນ​ເຊິ້ງ ຫົວ​ໜ້າ​ອົງ​ການ​ໄປ​ສະ​ນີ​ແຫ່ງ​ຊາດ​ຈີນໃຫ້​ຮູ້​ໃນ​ກອງ​ປະ​ຊຸມ​ວ່າ: ໃນ​ໄລ​ຍະ​ດຳ​ເນີນ​ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ 40 ປີ​ມາ​ນີ້, ລາຍ​ຮັບ​ຈາກ​ທຸ​ລະ​ກິດ​ໄປ​ສະ​ນີ​ຂອງ​ຈີນ​ໄດ້​ເພີ່ມຈາກ 510 ລ້ານຢວນ​ເມື່ອ​ປີ 1978 ຂຶ້ນ​ເຖິງ 787 ຕື້ຢວນ​ໃນ​ປີ 2018, ເຊິ່ງ​ໄດ້​ເພີ່ມ​ຂຶ້ນ 1542 ເທົ່າ, ກວມ GDP ເກືອບ 0,9%, ກວມ​ອັດ​ຕາ​ສ່ວນ​ຂອງ​ທຸ​ລະ​ກິດ​ໄປ​ສະ​ນີ​ທົ່ວ​ໂລກ​ເຖິງ 1/6. ການ​ບໍ​ລິ​ການ​ສົ່ງ​ດ່ວນ​ຂອງ​ຈີນ​ຈາກ​​ສະ​ພາບ​ບໍ່​ມີ​ກ້າວ​ເຖິງ​ການ​ເພີ່ມ​ຂຶ້ນ, ປະ​ລິ​ມານ​ສິນ​ຄ້າ​ສົ່ງ​ດ່ວນ​ໄດ້​ຄອງ​ອັນ​ດັບ​ໜຶ່ງ​ຂອງ​ໂລກ​ເປັນ 5 ປີ​ລຽນ​ຕິດ ເຊິ່ງ​ຫຼາຍກວ່າຍອດ​ປະ​ລິ​ມານ​ທຸ​ລະ​ກິດ​ສົ່ງ​ດ່ວນ​ຂອງ​ອາ​ເມ​ຣິ​ກາ,ຍີ່​ປຸ່ນ,ສະ​ຫະ​ພາບ​ເອີ​ຣົບ​ແລະ​ກຸ່ມ​ເສດ​ຖະ​ກິດ​ອື່ນໆ.

ຄຳ​ເຫັນ

0