ວັນ​ທີ 13 ມີນາ​ນີ້, ກອງ​ປະຊຸມ​ປະຈຳ​ປີ​ຂອງ​ສະພາ​ປຶກສາການ​ເມືອງປະຊາຊົນ​ແຫ່ງ​ຊາດ​​ຈີນ​ໄດ້ປິດ​ລົງ​ຢູ່​ນະຄອນຫຼວງ​ປັກ​ກິ່ງ, ທ່ານ​ສີ​ຈິ້ນ​ຜິ​ງ ​ແລ​ະຜູ້ນຳພັກ-ລັດ​​ທ່ານ​ອື່ນໆໄດ້​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ.

ທ່ານ​ວ່າງ​ຢາງ ປະທານ​ສະພາປຶກສາ​ການ​ເມືອງປະຊາຊົນ​ແຫ່ງ​ຊາດ​ຈີນ​ໄດ້​ກ່າວ​ປາ​ໄສ​ວ່າ: ປີ​ນີ້​ແມ່ນປີ​ທີ່​ປະ​ເທດສາທາລະນະ​ລັດ ປະຊາຊົນ​ຈີນ​ໄດ້​ຮັບ​ການ​ສະຖາປະນາ​ຂຶ້ນ​ຄົບຮອບ 70 ປີ. ​ໃນ 70 ປີຜ່ານມາ, ສະພາ​ປຶກສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​ໄດ້​ຕັ້ງໜ້າ​ເຂົ້າ​ຮ່ວມ​ການ​ສ້າງ​ຕັ້ງ​ ​ແລະ​ສ້າງສາ​ປະ​ເທດ​ຈີນ​ໃໝ່, ຄົ້ນ​ຫາ​ແນວທາງ​ປະຕິຮູບ, ບັນລຸ​ຄວາມ​ໄຝ່ຝັນ​ຂອງ​ຈີນ​ອັນ​​ໃຫຍ່​ຫຼວງ ​ແລະ​ສ້າງ​ຜົນງານ​ທີ່​ຈ່າ​ລຶກ​ໄວ້​ໃນປະຫວັດສາດ. ສັງຄົມ​ນິຍົມ​ທີ່​ມີ​ສີສັນ​ພິ​ເສດ​ຂອງ​ຈີນ​ໄດ້​ເຂົ້າ​ສູ່​ຍຸກ​ສະ​ໄໝ​ໃໝ່, ​ເວທີ​ຂອງ​ສະພາ​ປຶກສາ​ການ​ເມືອງ​ປະຊາຊົນ​ກໍກວ້າງຂວາງ​ກວ່າ​ເກົ່າ ​ແລະ​ມີ​ຄວາມ​ຮັບຜິດຊອບ​ຫຼາຍ​ກວ່າ​ເກົ່າ. ສະພາ​ປຶກສາ​ການ​ເມືອງ​ປະຊາຊົນ​ຄວນ​ຍຶດໝັ້ນ​ລັກສະນະ​ສະ​ເພາະຂອງ​ຕົນ, ຍຶດໝັ້ນ​ໃນທິດ​ທາງ​ປະຫວັດສາ​ດໃໝ່, ຊຸກຍູ້​ພາລະ​ກິດ​ສະພາ​ປຶກສາ​ການ​ເມືອງ​ປະຊາຊົນ​​ໃຫ້ພັດທະນາ​ຢ່າງ​ບໍ່​ຢຸດ​ຢັ້ງ.

ກອງ​ປະຊຸມ​ສະພາ​ປຶກສາ​ການ​ເມືອງປະຊາຊົນ​ແຫ່ງ​ຊາດ​ຈີນ​ຄັ້ງ​ທີ 2 ສະ​ໄໝ​ທີ 13 ​ໄດ້​ດຳ​ເນີນມາ​ເປັນ​ເວລາ 11 ວັນ ​ເຊິ່ງມີ​ສະມາຊິກ​ສະພາ​ປຶກສາ​ການ​ເມືອງ​ຫຼາຍ​ກວ່າ 2100 ຄົນ​ຈາກພັກ​ການ​ເມືອງ​ດ ອົງການ​ຈັດ​ຕັ້ງ, ຊົນ​ເຜົ່າ ​ແລະ​ວົງ​ການ​ຕ່າງໆ​ຂອງ​ຈີນ​ເຂົ້າ​ຮ່ວມ​ກອງປະຊຸມ​ຄັ້ງ​ນີ້.