ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມີນານີ້, ໃນເວລາຕອບຄຳຖາມຂອງນັກຂ່າວຈີນແລະຕ່າງປະເທດ,ທ່ານ ຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ພາຍໃຕ້ສະພາບການທີ່ລັດທິປົກປ້ອງການຄ້າໂລກໃນປັດຈຸບັນເພີ່ມຫຼາຍຂຶ້ນ,ການຊຸກຍູ້ການສ້າງເຂດການຄ້າເສລີຈີນ-ຍີ່ປຸ່ນແລະສ.ເກົາຫຼີ,ການບັນລຸການເຊັນສັນຍາຮອບດ້ານ,ມີລະດັບສູງແລະຕ່າງຝ່າຍຕ່າງມີຜົນປະໂຫຍດນັ້ນ,ລ້ວນແຕ່ມີຜົນດີຕໍ່ທັງສາມຝ່າຍ.
ທ່ານກ່າວວ່າ,ປີນີ້ແມ່ນປີແຫ່ງການສ້າງກົນໄກກອງປະຊຸມຜູ້ນຳຈີນ-ຍີ່ປຸ່ນ-ສ.ເກົາຫຼີຄົບຮອບ 20 ປີ,ໃນຖານະເປັນປະເທດປະທານ,ຈີນຈະຮ່ວມກັບຍີ່ປຸ່ນແລະສ.ເກົາຫຼີຮ່ວມກັນປຶກສາຫາລືຫົວຂໍ້ປະຊຸມ. ໃນຫົວຂໍ້ປະຊຸມຄວນລວມທັງການຊຸກຍູ້ການສ້າງເຂດການຄ້າເສລີຈີນ-ຍີ່ປຸນ-ສ.ເກົາຫຼີ. ເຖິງວ່າໃນທ່າມກາງທີ່ຈີນມີການຂາດດຸນການຄ້າທີ່ອ່າວຫຼາຍຕໍ່ຍີ່ປຸ່ນແລະສ.ເກົາຫຼີກໍ່ຕາມ,ແຕ່ຈີນກໍ່ຍິນດີດຳເນີນການແຂ່ງກັນຢ່າງສະເໝີພາບ,ເພື່ອໃຫ້ຜູ້ບໍລິໂພກມີການເລືອກເຟັ້ນຫຼາຍກວ່າເກົ່າ. ບໍ່ວ່າຈະບັນລຸການເຊັນສັນຍາເຂດການຄ້າເສລີຈີນ-ຍີ່ປຸ່ນ-ສ.ເກົາຫຼີ ຫຼືສັນຍາຄູ່ຮ່ວມເສດຖະກິດຮອບດ້ານຫຼື RCEP ສະບັບໃດ,ຈີນກໍ່ມີຄວາມປາຖະໜາຢາກເຫັນຜົນສຳເລັດດັ່ງກ່າວ.
ຄຳເຫັນ
0