ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມີນານີ້, ທ່ານຫຼີເຄິ້ສຽງ ນາຍົກລັດຖະມົນຕີຈີນໄດ້ກ່າວຢູ່ນະຄອນຫຼວງປັກກິ່ງວ່າ: ຈີນຍຶດໝັ້ນການປອດນິວເຄຼຍຢູ່ແຫຼມເກົາຫຼີຢ່າງສະເໝີຕົ້ນສະເໝີປາຍ, ຫວັງໃຫ້ເກີດສັນຕິພາບ ແລະຄວາມໝັ້ນຄົງຢູ່ແຫຼມເກົ່າຫຼີ. ແກ້ໄຂບັນຫາແຫຼມເກົາຫຼີບໍ່ພຽງແຕ່ມີຜົນປະໂຫຍດໃຫ້ສອງເກົາຫຼີເທົ່ານັ້ນ, ຍັງມີຜົນດີຕໍ່ພາກພື້ນ ແລະທົ່ວໂລກ.
ທ່ານໄດ້ໃຫ້ສຳພາດຕໍ່ນັກຂ່າວທັງພາຍໃນ ແລະຕ່າງປະເທດວ່າ: ບັນຫາແຫຼມເກົາຫຼີມີຄວາມສະຫຼັບສັບຊ້ອນ ແລະມີມາແຕ່ບູຮານນະການ, ບໍ່ສາມາດແກ້ໄຂໄດ້ຢ່າງງ່າຍດາຍ. ພາຍຫຼັງຜູ້ນຳສປປ.ເກົາຫຼີ ແລະອາເມຣິກາພົບປະກັນຢູ່ນະຄອນຫຼວງຮາໂນ້ຍປະເທດຫວຽດນາມແລ້ວ, ສອງຝ່າຍກໍສະແດງໃຫ້ເຫັນວ່າຈະສືບຕໍ່ມີການພົວພັນກັນ, ສະນັ້ນເມື່ອມີການພົວພັນກັນຈຶ່ງດີກວ່າບໍ່ມີ. ຫວັງວ່າບັນດາຝ່າຍຈະສາມາດຮັກສາມານະຈິດ, ກຳເອົາກາລະໂອກາດທີ່ດີ, ໂດຍສະເພາະແມ່ນປັດໄຈອັນຕັ້ງໜ້າທີ່ມີຢູ່ໃນປັດຈຸບັນ, ຊຸກຍູ້ການເຈລະຈາ, ໂດຍສະເພາະການເຈລະຈາລະຫວ່າງສປປ.ເກົາຫຼີ ແລະອາເມຣິກາ ເພື່ອບັນລຸໝາກຜົນທີ່ຄາດຫວັງຮ່ວມກັນ.
ຄຳເຫັນ
0