黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ປະກາດ​ຈັດ​ກິດຈະກຳ​ປະ​ກວດ​ຮູບ​ຖ່າຍ

2019-03-20 15:07:47 cri

​ເລີ່​ມ​ແຕ່​ວັນ​ທີ 28 ກຸມພາ 2019 ນີ້​ເປັນ​ຕົ້ນ​ໄປ, ​ເວັບ​ໄຊ​ທາງ​ການ​ຂອງ​ວິທະຍຸ​ສາກົນ​ແຫ່ງ​ປະ​ເທດ​ຈີນ (CRI ຫຼື www.cri.cn) ຈະ​ຈັດ​ກິດຈະກຳ​ປະ​ກວດ​ຮູບ​ຖ່າຍ​ພາຍ​ໃຕ້​ຫົວ​ຂໍ້​ວ່າ: “ມີ​ເຈົ້າ​ເປັນ​ເພື່ອນ​ຕາມ​ໜຶ່ງ​ແລ້ວ​ໜຶ່ງ​ເສັ້ນທາງ” ຂຶ້ນ​ຢູ່​ໃນ​ຂອບ​ເຂດ​ທົ່ວ​ໂລກ ​ເຊິ່ງມີ​ຈຸດປະສົງ​ເພື່ອ​ສ່ອງ​ແສງ​ເຖິງ​ໝາກຜົນ​ແຫ່ງ​ການ​ສ້າງສາ​ໜຶ່ງ​ແລວ​ໜຶ່ງ​ເສັ້ນທາງ​ດ້ວຍ​ຮູບ​ຖ່າຍ​ຕ່າງໆ, ສະ​ແດງ​ໃຫ້​ເຫັນ​ເຖິງ​ເນື້ອ​ໃນ​ຈິດ​ໃຈ​ຂອງ​ເສັ້ນທາງ​ສາຍ​ໄໝ​ທີ່​ຖື​ສັນຕິພາບ, ການ​ຮ່ວມ​ມື, ​ເປີດ​ປະຕູ, ຄວາມ​ໂອບ​ເອື້ອ​ອາລີ, ຮຽນ​ຮູ້​ເຊິ່ງກັນ ​ແລະ​ກັນ ​ແລະ​ຕ່າງ​ຝ່າຍ​ຕ່າງຖອດ​ຖອນ​ເຊິ່ງ​ກັນ ​ແລະ​ກັນ, ​ໃຫ້​ໄດ້​ຮັບ​ຜົນ​ປະ​ໂຫຍ​ດຮ່ວມ​ກັນ​ເປັນ​ໃຈກາງ, ຊີ້​ໃຫ້​ເຫັນ​ການ​ປ່ຽນ​ແປງ​ໃໝ່ ​ແລະ​ສະພາບ​ການ​ໃໝ່​ທີ່​ເກີດ​ຂຶ້ນ​ຍ້ອນ​ຂໍ້​ລິ​ເລີ່​ມໜຶ່ງ​ແລວໜຶ່ງ​ເສັ້ນທາງ, ບັນທຶກມິດຕະພາບ, ການ​ໄປມາຫາສູ່​ກັນ, ການ​ແລ​ກປ່ຽນ​ດ້ານ​ວັດທະນະທຳ ​ແລະ​ຄວາມ​ຮັກ​ແພງ​ອັນ​ຈິງ​ໃຈ​ລະຫວ່າງ​ປະຊາຊົນ​ຈີນ​ກັບ​ປະຊາຊົນ​ຂອງ​ບັນດາ​ປະ​ເທດ​ຢູ່​ລຽບ​ຕາມ​ໜຶ່ງ​ແລວ​ໜຶ່ງ​ເສັ້ນທາງ, ທັງ​ສະ​ແດງ​ໃຫ້​ເຫັນ​ເຖິງ​ຮີບ​ຄອງ​ປະ​ເພນີ​ວັດທະນະທຳ​ຂອງ​ປະ​ເທດ​ຕ່າງໆ, ​ເຊິ່ງ​ເວັບ​​ໄຊ​ດັ່ງກ່າວ​ຈະ​ຜ່ານ​ຈາກ​ສື່​ໃໝ່​, ສື່​ອອນ​ລາຍ​ທີ່ຢູ່​ຕ່າງປະ​ເທດ ​ແລະ​ສື່​ຕ່າງປະ​ເທດ​ທີ່​ເປັນ​ຄູ່​ຮ່ວມ​ມື​ເຊີນຊວນ​ເພື່ອ​ນມິດ​ທົ່ວ​ໂລກ​ສົ່ງ​ຜົນງານ​ເຂົ້າ​ຮ່ວມ​ກິດຈະກຳ​ປະ​ກວດ​ຮູບ​ຖ່າຍ​ຄັ້ງ​ນີ້ ​ໂດຍ​ມີ​ຂໍ້​ກຳນົດ​ລະອຽດ​ມີ​ດັ່ງ​ນີ້:

  1. ​ໄລຍະ​ສົ່ງ​ຮູບ​ຖ່າຍ​ເຂົ້າຮ່ວມ:

ວັນ​ທີ 28 ກຸມພາ - ວັນ​ທີ 28 ມີນາ 2019.

  1. ຫົວ​ຂໍ້​ຫຼັກ:

ມີ​ເຈົ້າ​ເປັນ​ເພື່ອນ​ຢູ່​ຕາມ​ໜຶ່ງ​ແລວ​ໜຶ່ງ​ເສັ້ນທາງ.

  1. ຂໍ້​ກຳນົດ​ທີ່​ກ່ຽວຂ້ອງ

ກ: ຮູບ​ຖ່າຍ​ທີ່​ຈະ​ສົ່ງ​ເຂົ້າ​ຮ່ວມ​ກິດຈະກຳ ຕ້ອງ​ເປັນ​ຮູບ​ຖ່າຍ​ດີ​ຈີ​ຕອນ​ທີ່​ຖ່າຍ​ເອງ​ໂດຍ​ໃຊ້​ກ້ອງຖ່າຍຮູບດີ​ຈີ​ຕອນ ຫຼື ​ໂທລະສັບ​ມື​ຖື.

ຂ: ຮູບ​ຖ່າຍ​ທີ່​ຈະ​ສົ່ງ​ເຂົ້າ​ຮ່ວມ​ກິດຈະກຳ​ເປັນ​ຮູບຖ່າຍ​ສີ ຫຼື ຂາວ​ດຳ​ກໍ​ໄດ້​ເປັນ​ຮູບ​ດ່ຽວ ຫຼື ຮູບ​ຊຸດ​ກໍ​ໄດ້. ຖ້າ​ເປັນ​ຮູບ​ຊຸດ, ຢ່າງ​ໜ້ອຍ​ຕ້ອງ​ມີ 3 ຮູບຂຶ້ນ​ໄປ ​ແຕ່​ບໍ່​ຄວນ​ຫຼາຍ​ກວ່າ 10 ຮູບ ​ເຊິ່ງຮູບ​ຖ່າຍ​ທີ່​ສົ່ງ​ມາ​ຄວນ​ເປັນ​ໄຟ​ລ໊ຮູບ​ນາມສະກຸນ JPEG.

ຄ: ກິດຈະກຳ​ນີ້​ບໍ່​ຈຳກັດ​ສັນຊາດ​ຂອງ​ຜູ້​ເຂົ້າ​ຮ່ວມ, ​ເວລາ​ສົ່ງ​ຮູບ​ຖ່າຍ​ມາ​ທາງ​ອີ​ເມ​ວຕ້ອງ​ລະບຸ​ຊື່ ​ແລະ​ນາມສະກຸນ, ສັນຊາດ, ທີ່ຢູ່, ບ່ອນ​ຖ່າຍຮູບ ​ແລະ​ຕ້ອງ​ຕັ້ງ​ຫົວ​ຂໍ້​ໃຫ້​ຮູບ ​ແລະ​ມີ​ການ​ແນະນຳ​ໂດຍ​ຫຍໍ້​ກ່ຽວ​ກັບ​ເນື້ອ​ໃນ​ຂອງ​ຮູບ​ຖ່າຍ.

ງ: ທ່ານ​ສາມາດ​ຂຽນ​ເລື່ອງ​ກ່ຽວ​ກັບ​ເບື້ອງ​ຫຼັງ​ຮູບ​ຖ່າຍ​ທີ່​ສົ່ງ​ມາ​ຮ່ວມ​ກິດຈະກຳ​ນັ້ນ​ໂດຍ​ຫຍໍ້ ​ແລະ​ສົ່ງ​ໄຟ​ລ໊ມາ​ພ້ອມ​ຮູບ​ຖ່າຍ​ໄດ້.

  1. ວິທີ​ສົ່ງ​ຮູບ​ຖ່າຍ​ເຂົ້າຮ່ວມ​ກິດຈະກຳ

ທ່ານ​ສາ​ມາດ​ເລືອກສົ່ງ​ທາງ​ໃດ​ທາງ​ໜຶ່ງ​ຂ້າງ​ລຸ່ມ​ນີ້:

ວິທີ​ທີ 1: ສົ່ງ​ຮູບທາງ​ອີ​ເມ​ວ​ໄປ​ທີ່ withyou2019@qq.com

ວິທີ​ທີ 2: ​ໂພສຮູບ​ຖ່າຍ​ຂອງ​ທ່ານ​ໃສ່​ໜ້າ​ເຟດບຸກຂອງ​ທ່ານ ​ແລ້ວ​ຂຽນ​ອະທິບາຍ​ວ່າ​ເຂົ້າຮ່ວມ​ກິດຈະກຳ​ປະ​ກວດ​ຮູບ​ຖ່າຍ “ມີ​ເຈົ້າ​ເປັນ​ເພື່ອ​ນຕາມ​ໜຶ່ງ​ແລວ​ໜຶ່ງ​ເສັ້ນທາງ” ​ແລ້ວ​ແທັກ (tag) ​ໃຫ້ cri-fm93.

  1. ວິທີ​ປະ​ກວດ​ຕັດສິນ​ຜົນ​ຊະນະ​ເລີດ

ອີງ​ຕາມ​ຫຼັກການ​ເປີດ​ເຜີຍ, ຍຸ​ດຕິ​ທຳ ​ແລະ​ທ່ຽງ​ທຳ, ການ​ຕັດສິນ​ຜົນ​ຊະນະ​ເລີດ​ຈະ​ໃຊ້​ທັງ​ກຳມະການ​ທີ່​ເປັນ​ນັກວິຊາການ​ມາ​ໃຫ້​ຄະ​ແນນ, ທັງ​ໃຫ້​ຜູ້​ໃຊ້​ອິນ​ເຕີ​​ແນັດລົງ​ຄະ​ແນນ​ສຽງ​ທາງ​ເວັບ​ໄຊ.

  1. ກ່ຽວ​ກັບ​ລາງວັນ

ລາງວັນ​ທີ 1 ມີ 10 ລາງວັນ ​ເຈົ້າ​ຂອງ​ຜົນງານ​ໄດ້​ຮັບ​ໃບ​ຢັ້ງຢືນ ​ແລະ​ຖືກ​ເຊີນ​ໄປ​ຮ່ວມ​ພິທີ​ມອບ​ລາງ​ວັນ​ຂອງ​ກິດຈະກຳ​ປະ​ກວດ​ຮູບ​ຖ່າຍ​ຄັ້ງ​ນີ້ ​ແລະ​ເຂົ້າ​ຮ່ວມ​ກິດຈະກຳ​ຖ່າຍຮູບ​ຢູ່​ຈີນ. ​ແລະ​ຍັງ​ມີ​ລາງວັນ​ຊົມ​ເຊີຍ​ອີກ 100 ລາງວັນ ​ເຈົ້າຂອງ​ຜົນງານ​ຈະ​ໄດ້​ຮັບ​ໃບ​ຢັ້ງຢືນ ​ແລະ​ຂອງຂວັນຕ່າງ​ໆ.

  1. ຂໍ້​ກຳນົດ​ອື່ນໆ

ກ: ຮູບ​ຖ່າຍ​ທີ່​ສົ່ງ​ຮ່ວມ​ກິດຈະກຳ​ຄັ້ງນີ້​ຖື​ເປັນ​ຜົນງານ​ທີ່​ຝ່າຍ​ເຈົ້າພາບ​ມີ​ສິດ​ນຳ​ໃຊ້​ໂດຍ​ບໍ່​ມີ​ການ​ຈ່າຍ​ຄ່າ​ທົດ​ແທນ ​ແລະ​ມີ​ສິດ​ມອບ​ໝາຍ​ໃຫ້​ຝ່າຍ​ທີສາມ​ເພື່ອ​ນຳ​ໃຊ້. ​ເຈົ້າພາບ​ມີ​ສິດ​ວາງສະ​ແດງ, ​ໂຄສະນາ ​ແລະ​ພິມ​ຈຳໜ່າຍ​ຮູບ​ຖ່າຍ​ທີ່​ເຂົ້າຮ່ວມ​ກິດຈະກຳ​ຄັ້ງນີ້.

ຂ: ທ່ານ​ສາມາ​ປັບ​ຕ່າງ​ຮູບ​ຖ່າຍ​ໄດ້​ໂດຍ​ໃຊ້​ຊອບ​ແວ​ຕ່າງໆ, ​ແຕ່​ຕ້ອງ​ບໍ່​ປ່ຽນ​ແປງ​ເນື້ອ​ໃນ​ຂອງ​ຮູບ, ບໍ່​ກະທົບ​ເຖິງ​ລັກ​ສະ​ນະ​ຄວາມ​ເປັນ​ຈິງ​ຂອງ​ຮູບ.

ຄ: ຫາກ​ກວດ​ພົບ​ວ່າ​ຮູບ​ຖ່າຍ​ທີ່​ສົ່ງ​ມາ​ເປັນ​ຮູບ​ລະ​ເມີດ​ຜົນງານ​ຂອງ​ຄົນ​ອື່ນ, ຜູ້​ທີ່​ລະ​ເມີດ​ຈະ​ຖືກ​ຕັດ​ສິດ​ທັນທີ.

ງ: ຜົນງານ​ຮູບ​ຖ່າຍ​ທີ່​ໄດ້​ຮັບ​ລາງວັນ​ຈະ​ຖືກ​ຈັດ​ເຂົ້າ​ໃນ​ປຶ້ມປະມວນ​ຮູບ​ຖ່າຍ” ມີ​ເຈົ້າ​ເປັນ​ເພື່ອນ​ຕາມ​ໜຶ່ງ​ແລວ​ໜຶ່ງ​ເສັ້ນທາງ” ​ແລະ​ເຜີຍ​ແຜ່​ທາງ​ເວັບ​ໄຊ​ຂອງ CRI ​ທີ່​ເປັນ​ຫຼາຍ​ພາສາ​ຕ່າງປະ​ເທດ.

ຈ: ກິດຈະກຳ​ຄັ້ງ​ນີ້​ຈະ​ບໍ່​ເກັບ​ຄ່າ​ໃດໆ​ຈາກ​ຜູ້​ຮ່ວມ​ກິດຈະກຳ.

ຄຳ​ເຫັນ

0